✍️ يوحنا عزمي
مفيش اى منطق او سبب يجعل قوى مسلحة ، تدخل على مدنيين عزل بالسلاح والمدفعية الثقيلة والقصف الجوي إلا لو كان فيه هدف ما .. ممكن تقول دى طبيعة الإسلامجية ولأنهم إرهابيين فالطبيعي لما يتم تكليف عناصرهم بـ”تأديب” الشعب أنه يكون دا السلوك.
بس برضوا لازم نفهم أنه اللى بيطلق الإرهاب مش غرضه اى شئ عشوائي ولكن مدروس .. بمعني؟
الترهيب والمدابح دي الغرض منها ان ابناء مناطق بعينها وطوائف وعرقيات بعينها تطلب الحماية الدولية او الانفصال او الحكم الذاتي.
الحرب السورية الأولي 2011 – 2020 قسمت سوريا لعدة مناطق
والحرب السورية الثانية نوفمبر 2024 – حتى الأن بتكمل المهمة.
وابو محمد الجولاني مهمته فى دمشق مش هتطول .. من اليوم الأول لاستيلائه على السلطة وهو شغال ضرب فى العلويين عشان التكليف الدولي جاى أنه يدفعهم للإستقلال او الحكم الذاتي وهكذا يتم فصل سوريا الساحل عن سوريا الداخل ودا مخطط غربي معروف ومعلن من أيام الحروب الأوروبية على الشام والأناضول المعروفة تاريخيا باسم الحروب الصليبية.
الغرض معروف من أول يوم فى الحرب السورية .. العودة لخرائط الإنتداب الفرنسي مع بعض التعديلات الحديثة ، تعديلات أمريكية بريطانيا صهيونية بحتة ، ومفيش مشكلة يبقا لروسيا ولا حتى إيران نصيب من الكعكة بس الكعكة تتقسم.
زي ما الإسلاميين اتسلموا مصر عشان يسلموا سيناء للصهاينة إضافة إلى حلايب وشلاتين للسودان كما طبل مرسي وبديع .. وينشروا فيها الفتن بين المسلمين السنة والشيعة والصوفيين ، وبين المسلمين والمسيحيين ، فالاسلاميين فى سوريا اتسلموا عشان يكملوا تقسيم المقسم ، وتسليم مناطق بعينها لإسرائيل وتركيا وأمريكا وروسيا.
احب افكر حضرتك أنه أمريكا لها قواعد ووجود عسكري فى الرقة والحسكة ودير الزور دا غير الإحتلال التركي فى حلب وادلب .. دا غير الإحتلال التركي السابق لـ لواء الاسكندرونة ، والأقاليم السورية الشمالية زى اضنة والرها وغيرها من مدن اتكلمنا عنها فى مقالات سابقة.
دا غير الإحتلال الإسرائيلي فى القنيطرة قبل استيلاء الجولاني على دمشق ، ثم درعا والسويداء وريف دمشق فى ظل حكم الجولاني.
اللى قدام حضراتكم دا يبقا خريطة سوريا فى زمن الانتداب ـ الإحتلال الفرنسي .. واتكلمنا عنهم مراراً من ايام كتاب الحرب السرية سنة 2012.
بالمناسبة كان فيه إقليم صنعته فرنسا أسمه إقليم الجزيرة السورية شمال شرق .. هو دلوقتي منطقة قسد الكردية.
بالمناسبة برضو .. لما العلويين بقيادة الشيخ صالح العلي ثاروا ضد جمهورية جبل العلويين .. حاولت فرنسا صناعة دولة داخل دولة للطائفة الإسماعيلية واحياء دولة الحشاشين والسوريين الاسماعيليين رفضوا.
وبالمناسبة .. برضوا .. الدروز رفضوا جمهورية السويداء وزعيم الدروز سلطان الأطرش هو قائد الثورة السورية الكبري ضد الإستعمار الفرنسي.
فعايز اقولك ان تخوين الأقليات فى سوريا مرفوض .. ومردود عليه تاريخيا رغم أنه انا مش مهتم بالكلام دا .. يبقوا ملاحدة ولا كفار ولا يعبدوا ميكي ماوس .. بس مؤسسة الازهر لها اكثر من فتوي ترفض تكفير العلويين وهم طائفة مسلمة باعتراف الأزهر وباقى الطوائف الشيعية.
افتكروا كلامي من أول يوم لوصول هذا الجولاني لدمشق .. مجرد هدنة .. مجرد كارت مؤقت .. من صنعه سوف يتخلص منه قريباً.
