بين إصطفاف الكواكب ونيران الصواريخ : هل نحن أمام حرب حقيقية أم بروفة كبرى لإعادة تشكيل الشرق الأوسط؟
✍️ يوحنا عزمي
قراءة في التوقيت والرسائل الخفية بين الرمزية الدينية وحسابات الجغرافيا السياسية في صراع يُعاد تشكيله أمام أعيننا ..!!
ليه الضربة إمبارح بالضبط ؟
ليه يوم ظاهرة إصطفاف الكواكب ؟
وإيه علاقة ده بـ كوكب زُحل ؟ ليه يوم 10 رمضان ؟
ليه بعد كسوف الشمس بـ 3 أيام وقبل القمر الدموى بـ 3 أيام ؟
ليه ترامب سماها غضب أسطوري و نتنياهو سماها زئير الأسد ؟
ليه مدرسة بنات في جنوب إيران؟ هل هي غلطة طيار ، ولا قربان بشري في توقيت فلكي معين محتاج دم بكر عشان الطقس يكمل؟
ليه الأهداف بعدت عن المفاعلات النووية فى إيران ؟
ليه أهداف الرد داخل إسرائيل مناطق سكنية مش مناطق حيوية مؤثرة ؟ ليه تم إستهداف الدول العربية في القواعد العسكرية الأمريكية ؟ وليه تم إستهداف مناطق سكنية في أبو ظبي والإمارات ؟ وماذا بعد غلق مضيق هرمز ؟ وهل ده إختبار حرب لما هو قادم ؟
أسئلة كثيرة جداً محتاج تفهمها وبتدور على اجابتها من ساعة ما سمعت الخبر ، وعشان نفهم أيه اللي بيحصل حواليك دلوقتي لازم نفهم الجذور و الأعماق بالكامل عشان الـ puzzle يترتب ونشوف الصورة صح ..
إمبارح كانت ظاهرة إصطفاف الكواكب … يعني ايه ؟!
الكواكب دي عاملة زي جريات في تراك سباق اللي هو المدارات بتاعتها ، و كل كوكب ليه سرعة وشوط غير التاني ، الأصطفاف ده هو اللحظة اللي الكواكب دي بقدرة الله تعالى بتيجي كلها في حارة واحدة أو على خط مستقيم واحد بالنسبة لينا إحنا اللي قاعدين على الأرض ، كأنك باصص من شباك بيتكم ولقيت أعمدة النور والشجر والعربيات كلهم في صف واحد ورا بعض بالظبط.
طب بتحصل كل قد إيه ؟ وهل دي حاجة عادية؟
الكواكب زي عطارد والزهرة ممكن يتقابلوا كتير ، لكن إن الكواكب زي المشتري ، زحل ، المريخ يصطفوا مع بعض في نفس التوقيت؟ دي ظاهرة نادرة جداً ، إصطفاف 5 أو 6 كواكب مع بعض زي اللي حصل إمبارح ده مابيحصلش غير في المتوسط كل 20 لـ 40 سنة مرة وبترتيبات مختلفة ، يعني إحنا مش قدام حدث بيتكرر كل أسبوع ، إحنا قدام لحظة كونية بتغير شكل زينة سماء الدنيا .
طب ايه علاقة الظاهرة دي بالضربة العسكرية ؟!
في العقيدة اليهودية والتلمود ، كوكب زحل اسمه شبتي ، ومشتق منه كلمة شبات يعني السبت ، زحل عندهم هو كوكب شعب إسرائيل والموكل بحمايتهم وتنفيذ القضاء وفي الكابالا زحل بيمثل الحدود والقيود والقانون الصارم ، لما زحل يصطف إمبارح دي إشارة ليهم إن وقت الحساب أو القضاء الإلهي نزل على أعدائهم لأنهم بيعتبروا زحل هو المنجل اللي بيحصدوا بيه الرؤوس اللي حان وقت قطافها.
والدليل هنا نبوءة نجم يعقوب العدد 24:17 بيقول “يبرز كوكب من يعقوب ، ويقوم قضيب من إسرائيل ، فيحطم طرفي موآب ويهلك كل بني الوغى ” ، هما بيفسروا أي اصطفاف كوكبي نادر أو ظهور علامة في السما على إنها اقتراب خروج صاحب العين الواحدة ، الضربة إمبارح في إيران هي تنفيذ حرفي للنبوءة بتدمير بني الوغى أعداء صهيون تمهيداً لظهوره.
طب اشمعنى يعني بعد الكسوف الشمسي بـ 3 أيام وقبل القمر الدموى بـ 3 أيام ؟!
التلمود رسالة سوكا 29أ بيقول كلام صريح واقع دلوقتي أسمع كده ..
الكسوف الشمسي فأل سيء للأمم ( الأغيار)، وخسوف القمر ( القمر الدموي) فأل سيء لإسرائيل لأنهم يحسبون وقتهم بالقمر”.
يعني لما الضربة تيجي بعد الكسوف بـ 3 أيام ، هما كدة صدروا الفأل السيء للأمم ، و لما يستبقوا القمر الدموي بـ 3 أيام ، هما بيحاولوا يغيروا القدر بالدم اللى هوا قربان مدرسة البنات عشان لما يجي القمر الدموي يكون فأل نصر ليهم مش فأل شؤم عليهم على حسب معتقدات التلمود.
أشمعنى الضربة يوم 10 رمضان ؟!
فى ناس هتقول يا عم النهارده 9 .. لا في إيران النهارده 10.. يوم 10 من الشهر العبري اللي بيوافق توقيتاً طقسياً حالياً وهو اليوم اللي بني إسرائيل استعدوا فيه لذبح خروف الفصح وتلطيخ الأبواب بالدم عشان ملك الموت يعدي من فوق بيوتهم ويضرب بيوت المصريين الأعداء ودي معتقدات يهودية فى التوراة ، هما بيعيدوا تمثيل الطقس ده النهاردة ، بس خروف الفصح المرة دي المنطقة العربية ، والدم اللي بيسيل هو اللي بيحمي بيوت صهيون من الهلاك الكوني اللي جاي مع اصطفاف الكواكب وهو مرور أخر قمر دموي قبل عام الزوال فى 2028 ، هما بيطوعوا الفلك لخدمة النص التلمودي عشان يثبتوا للعالم إنهم شعب الله المختار اللي بيتحكم في الأقدار .. طبعا كذبٱ ولكن أنا بشرحلك هما بيفكروا إزاى .. لحد هنا فهمنا الأعماق عشان اللي جاي صعب ..
في العقيدة اليهودية إيران مش عدو ، بدليل سفر إشعياء (45: 1) “هكذا يقول الرب لمسيحه ، لكُورش الذي أمسكتُ بيمينه لأسحق أمامه أمماً” التوراة سمت ملك فارس “مسيح الرب”. ليه؟
لأن كورش هو اللي رجع اليهود من السبي البابلي للقدس وبنى ليهم الهيكل الثاني . يعني لولا بلاد فارس ، مكنش بقى فيه يهودية بالشكل اللي نعرفه النهارده ولو إيران والعراق أعداء فـ هما مهد التلمود البابلي ، وده أهم كتاب مقدس عند اليهود وأغلب القوانين الدينية اليهودية اتكتبت واتطورت تحت رعاية الإمبراطورية الفارسية وأهم عيد عند اليهود عيد الفور – هو إحتفال بحدث حصل في شوشان عاصمة فارس القديمة في إيران.
الملكة أستير اليهودية كانت زوجة ملك فارس ، وقدرت هي وعمها مردخاي يسيطروا على قرار الإمبراطورية الفارسية ، وقبر أستير ومردخاي موجود لحد النهارده في مدينة همدان في إيران ، وهو أقدس مزار يهودي في إيران وبيتم حمايته وترميمه رسمياً وده بيأكد إن الدم الفارس والدم اليهودي اختلطوا في قمة هرم السلطة من آلاف السنين.
ويُقال في بعض الأحاديث النبوية أن الدجال هيخرج من اصفهان يتبعه سبعون ألف يهودى عليهم الطيالسة.
تخيل أنك يهودي تفتكر هتروح تضرب مكان مقدس ليك واللى هو إصفهان!!
طيب لما هما حلوين مع بعض ليه المسرحية دي ؟!
إيران محتاجه إسرائيل عشان تجمع الشعوب العربية والإسلامية حوالين شعارات المقاومة وتبرر تمددها في المنطقة وتلاقى المسلم يقولك نعم لإيران ومفيش إسرائيل ، ولكن في الحقيقة إيران هتدمر دول الخليج كلها وهتسلمها على المفتاح لإسرائيل لقيام المملكة الكبرى.
و فى نفس الوقت إسرائيل محتاجة الخطر الوجودي الإيراني والنووي عشان تفضل تاخد مليارات الدولارات من العرب مقابل الحماية من المد الإيراني وطبعٱ في أقرب محطة هيتم الغدر بالأغبياء ، وعشان تقنع العالم إنها الضحية اللي محاطة بالأعداء ، فبالتالي محدش يحاسبها على اللي بتعمله.
الاتنين شغالين بنظام اتفقنا على ألا نتفق ، بيضربوا بعض ضرب الحبايب في مناطق غير إستراتيجية ، لكن عمرك ما هتلاقي ضربة قاضية بتمس قلب النظام هنا أو هنا. ليه؟ لأن سقوط واحد منهم يعني الأخر .. والأثنين وجهان لعملة واحدة.
المسرحية دي هدفها إن العرب يفضلوا خايفين من إيران فيجروا لحضن إسرائيل ، أو خايفين من إسرائيل فيستنجدوا بإيران وفي الآخر ، الإثنين كيان واحد بيتقاسم والضحية دايما هو اللي في النص الذي لم يتعلم الدرس وسيكتب هلكة العرب بيديه.
وعشان تعرف إنها مسرحية قديمة ، افتكر لما إيران كانت في حرب مع العراق أيام الخميني وكانت بتبخر في الإعلام ضد الصهاينة ، وفي نفس الوقت كانت بتاخد سلاح إسرائيلي سري عشان تضرب بيه العراق!
ليه ده test war مش حرب حقيقية؟
هما بيقيسوا النهاردة رد فعل الشعوب العربية والخليجية لما السيستم يبعت رسائل تحذير على الموبايلات في وقت واحد.
هما بيشوفوا القطيع هيتحرك فين وإزاي لما يحس بخطر وجودي وعليها هيتم وضع الخطة الإستراتيجية لهلكة العرب.
إسرائيل تضرب رؤوس ، وإيران تضرب قواعد خشبية وصواريخ خردة تقع على مدنيين عرب . اللعبة هنا إحنا بنخوفكم ببعض عشان تيجوا ترموا نفسكم في حضن النظام العالمي الجديد اللي هيحمي الكل.
ومع قفل مضيق هرمز ، الدولار هيقع والنفط هيولع . الحل اللي هيعرضوه عليك؟ سيستم مالي رقمي جديد مربوط ببصمتك وصحتك و DNA بتاعك ، بحجة إن الكاش مابقاش آمن في وقت الحروب.
ليه الذهب هيطير في الساعات اللي جاية؟
لما الناس شافت أبو ظبي والرياض ودبي بينضربوا ، الأمان بقى إنهيار ، أول حاجة اللي فاهم اللعبة بيعملها هي الهروب من الورق واللجوء لـ الأصل اللي هو الذهب.
قفل مضيق هرمز دي القنبلة اللي هتخلي الذهب يكسر كل الأرقام القياسية. قفل المضيق يعني شلل في التجارة ، يعني تضخم عالمي مرعب ، يعني الورق اللي في جيبك ملوش قيمة ، والذهب هو الملك في وقت المجاعات والحروب.
على المدى القصير ، الذهب هيوصل لمستويات تاريخية محصلتش من 300 سنة . أي حد معاه جرام ذهب النهاردة ، كأنه معاه صك نجاة.
وعلى المدى الطويل النخبة هتحاول تجرم امتلاك الذهب الفعلي (زي ما حصل في أمريكا سنة 1933)، وهيحاولوا يربطوا كل حاجة بالـ Digital Gold ( الذهب الرقمي) اللي هما بيتحكموا في التداول بيه دلوقتي.
مضيق هرمز مش مجرد ممر مائي ، ده شريان الوعي المادي للعالم . قفله النهاردة معناه توقف نبض البترول والدولار ، النخبة محتاجة يخنقوا العالم طاقياً ومادياً عشان يكسروا كبرياء الشعوب ، والبدء بالخليج كبش فداء هو أسرع طريق لإعلان إفلاس النظام القديم وولادة النظام الرقمي من رحم المعاناة.
ترتيب تساقط أحجار الدومينو
1. الإمارات الواجهة البراقة :
هي أول حجر ، ليه؟ لأنها مركز المال والأعمال اللي قايم على الأمان المطلق. لما تنضرب مناطق سكنية في أبو ظبي ودبي زي ما حصل إمبارح ، أسطورة الترفية والأمان بتنهار . الهدف هو تهريب رؤوس الأموال وضرب السياحة والعقار ، عشان تتحول المدن الذكية لمدن أشباح في ثواني ، وتجبر الناس على قبول أي سيستم حماية تفرضه القوى العظمى .. وهنا تطبيق النظام العالمي الجديد.
2. قطر عين الرصد والغاز :
ضرب قاعدة العُديد وتدمير الرادار الأمريكي إمبارح مش صدفة. قطر هي مخزن الطاقة وخط الغاز البديل لأوروبا ، ضربها يعني تجميد قارة كاملة وتجويعها طاقياً ، ولو تفتكر معايا ده اللي حصل فى مشاهد فيلم أنا الماعز الأليف والغرض من نهاية أوروبا عدم وجود قوى عظمى إلا مملكة داوود القادمة.
3. الكويت والبحرين :
دي دول القواعد المتقدمة . ضرب علي السالم ومقر الأسطول الخامس هدفه مسح أي وجود عسكري تقليدي أمريكي ، وترك الشعوب دي في مواجهة مباشرة مع الوحش الإيراني ( اللي هو حبيب النخبة أصلاً )، عشان يطلبوا الحماية الدولية مقابل التنازل عن السيادة الرقمية والمالية وفى النهاية الغدر بالموت للخليج كله لتسليم مفاتيح مملكة داوود.
4. الأردن بوابة الصدام :
الأردن هو الفاصل بين النار اللي في الشرق (إيران/العراق) وبين إسرائيل ، هلكة الأردن هتيجي من طوفان اللاجئين بعد تصفية الضفة الغربية وانهيار الإقتصاد تحت ضغط الحرب اللى شرارتها دلوقتي ، عشان تكون الأرض البديلة أو الساحة المفتوحة المقترحة لتصفية الحسابات النهائية، وبكده يفتحوا الطريق لـ إسرائيل الكبرى من النيل للفرات.
5. السعودية :
هي آخر وأهم القلاع ، السعودية هي خزان الطاقة وقبلة المسلمين . هلكتها بتبدأ بـ الاستنزاف (دوي انفجارات الرياض والشرقية) ، الهدف هو إشغال المملكة في جبهات كتير (شمال وجنوب وشرق) لحد ما الاحتياطي النقدي يخلص ، ويحصل قلق داخلي بسبب توقف شريان النفط (هرمز) ، فتضطر القيادة إنها تدخل في الحلف العالمي الجديد بشروطهم هما ، وتتحول الرؤية لسيستم رقمي كامل يسيطر على الحرمين والنفط معاً.
