حوار/ نورهان مجدي الغنام
طرح الفنان محمد السعدني أول عمل فني له من إخراجه وتأليفه والذي يحمل اسم “آخر الخط”، يعرض الفيلم مساء اليوم الموافق 23/12/2024.
شارك في العمل الفني كلًا من بشرى، بسمة، محمد القس، محمد علي رزق، محمد جمال قلبظ، وئام مجدي، أحمد ثابت، محمد يوسف، وشارك في الإنتاج كلًا من صفي الدين، أيمن يوسف، تامر الصرافي.
وكانت لمجله هافن حوارً خاص مع الفنان محمد السعدني وكان نص الحوار كالآتي:
كلمنا عن تجربة تأليفك وإخراجك لأول مرة لعمل فني؟
الحقيقة ده مش اول مرة يكون أخراج ليا بس كلها كانت إعلانات أو أفلام قصيرة كلها من إنتاجي وتأليفي، لكن ده يعتبر أول تجربة حقيقية بالنسبالي، وكان بدعم من 3 شركات إنتاج كبار، وفي نفس الوقت بدعم من نجوم أمام الكاميرا وخلف الكاميرا.
ازاي جتلك فكرة فيلم أخر الخط؟
فكرة الفيلم جتلي عن طريق تدريبي لبعض الطلاب في ورشتي بجانب إني ممثل ومؤلف ومخرج انا كمان بدرب تمثيل، وبدرب شباب وبنات على ازاي يكونوا ممثلين محترفين، وفي نفس الوقت كنت حابب اجمع تلمذتي وأعمل فيلم أدخل بيه مهرجان مهم.
وكنت حابب اعمل حاجة تبقى وأن لوكيشن بأقل الإمكانيات، ولما بدأت أشتغل على الورق جاتلي فكرة الكتابة، وابتديت اعمل بروفات.
إي سبب عدم وجود وجه جديده؟
عشان أعمل فيلم صح سواء ديكور أو إضاءة أو تصوير محتاج أمكانيات ومحتاج كاميرا عاليا، فالقيت مقدرش أعمل بوجوه جديده لان تكلفته هتكون عالية جدا، وسقف طموحي ارتفع وقولت اعمله بنجوم.
ازاي كنت بتختار الممثلين للادوار؟
اختياري للممثلين كان ليه علاقه كبيرة جدا بقربي من الممثلين اللي معايا، الحقيقة كلنا صحاب وأخوات مع بعض وكلهم عشرة عمر، واشتغلنا مع بعض كتير جدًا فكان سهل بالنسبالي أقدر أوظفهم للشخصيات ده لاني عرفهم كويس.
هل يعتبر ده بداية أننا نشوف السعدني من ضمن المخرجين وأخر الخط تكون بداية عملك كمخرج ومؤلف؟
أنا اتمنى من قلبي أن تكون ده بداية ليا كمؤلف ومخرج بجانب التمثيل ومازلت هكون ممثل للأبد لكن أنا بحب الفن بشكل عام وبحب جدا أعمل كل حاجة ليها علاقه بالفن، وبحب التأليف والإخراج وبقالي 8 سنين بسعى أني اتعلم وأكون مؤلف ومخرج والحمدلله بدأت أول خطوة.
إي أكتر موقف صعب اتعرض ليه كأول مرة إخراج وتأليف ليك؟
مكنش موقف واحد صعب بس هو الفيلم كله كان صعب لأني أنا مختار فيلم بقدم نفسي بيه لأول مرة و وان لوكيشن فيه 8 نجوم فيلم صعب جدا تنفيذه وتصويره، فالموضوع كله كان صعب.
هل في أعمال قريب هنشوفك فيها؟
أنا عامل مسلسل “الليله الكبيرة” هينزل قريب، وبحضر لعمل جديد من إخراجي وتأليفي بعد رمضان، بالنسبة كممثل هيكون في حاجة في رمضان ان شاء الله.
