محمد حنفي
تعد الإعلامية ياسمين عز أحد أشهر مقدمي البرامج في مصر والوطن العربي في الوقت الحالي، بسبب تصريحاتها المثيرة للجدل والتي على إثرها نجحت في تصدر تريند السوشيال ميديا في أكثر من مناسبة.
مشوار ياسمين عز الإعلامي
بدأت الإعلامية ياسمين عز مشوارها من برنامج عز الشباب على قناة روتانا مصرية وذلك لمدة ثلاثة سنوات، وبعدها انتقلت لقناة mbc مصر لتقديم برنامج صباحك مصري وبعدها تقديم برنامج حديث المساء بدلا من الإعلامية سهام صالح.
لتنتقل بعدها إلى تقديم برنامج فني بعنوان “ليلة الخميس”، ومنها إلى برنامجها الحالي “كلام الناس” والذي بات أحد أشهر البرامج المصرية حتى الآن، بجانب مشاركتها في مسلسلي بره الدنيا والصفعة.
ياسمين عز المثيرة للجدل
وتشتهر الإعلامية ياسمين عز بتصريحاتها المثيرة للجدل والبداية من فبراير ٢٠٢٢ ، حيث أشارت الجدل بدفاعها عن عريس قام بضرب زوجته في ليلة زفافهم وطالبت النساء بمسامحة أزواجهن في حالة العنف لتتصدر التريند في هذا الوقت مطالبين بايقافها، ومن ثم تراجعت عن تصريحها مؤكدة أنها أساءت التعبير وخانها التوفيق في اختيار الكلمات.
وتحدثت بعد ذلك عن حياة الزوج المصري بعنوان “الفرعون” موجهة حديثها للسيدات بقولها “هتقولك إزاي تتعاملي مع جوزك في رمضان .. بلاش تستفزي الفرعون بسؤال: اعملك إيه ع الفطار ومش لازم تطلبي منه سوبيا في الوقت ده.. ودي قواعد الفرجة ع المسلسلات معاه.
وقالت “ياسمين”: “في واحدة بتقولي إحنا هنمرمط فرعونك في غسل سجاد العيد وبتضحك، بما إنك ذكرتي فكرة النظافة، تعالي نتكلم عن طرق نظافة الفرعون”.
واضافت “في دروس لنظافة الزوج، نضفي ورا ودن جوزك يا مدام ومتكسليش، اهتمي بأدق تفاصيله زي ما بتهتمي بنضافة شراشيب السجادة، الرجل نضيف من قاعه لأعلى قمته، ولكنه مثله مثل الماس يحتاج إلى نظافة، نتيجة العوامل الخارجية، والراجل بيعبر عن بيته ومراته”.
وتابعت “لما واحدة حبت تسخنك على جهوزك وقالتلك اي اخبارك يا عروسة عاملة اي في الحر ده هو مجبلكيش تكييف قوليلها مش حاسة بالحر خالص دبلته مهوياني، والعكس في الشتاء تقولي دبلته مدفياني، الجو بيقلب لكن الدبلة مبتقلبش ومستمرة معانا في الفصلين بتدفي وتهوي، التكييف على العروسة والكهرباء على العريس معروفة”.
كما وجهت عز رسالة للمتزوجات بقولها “الحر اللي إحنا فيه جو صيفي مناسب ليكي جدا لتكبير المواضيع مع جوزك وقطع العلاقات لو ده اللي هيريحك.
وتطرقت ياسمين عز بحديثها عن أزمة انقطاع الكهرباء في نفس الحلقة فقالت: قطع الكهرباء مش كوميديا ده حاجة الناس بتعاني منها متقعدوش تصوروا نفسكم حوا الاسانسير وتتريقوا مينفعش يا حبايبي”.
وتابعت “هناك أشخاص يعانون من هلع وفوبيا من الأماكن الضيقة، وهذا مرض حقيقي وليس دلعًا. بعض الناس لا يستطيعون التنفس لمجرد رؤية تلك المشاهد وأنتِ بتهزري ومحبوسة داخل المصعد وهو مظلم، حتى لو مش بتهزر، بتفتح فيديو وتتكلم، ايه اللي هتستفيده؟ حاول تتصرف وتخرج وتنادي على حد، هذا ليس موضوعًا يجب أن نعتبره عاديًا أو نمزح بشأنه ونعمل فيديوهات تيك توك داخل المصعد. دا مش هزار ومش هينفع يكون حاجة عادية وهذا ليس صحيحا”.
ومؤخرا دفاعت ياسمين عز عن لاعبة منتخب مصر للدراجات شهد سعيد بخصوص أزمتها مع زميلتها بالمنتخب جنة عايزة وحادثة بطولة الجمهورية الأخيرة بقولها “مصر كلها حكمت إن شهد الساحرة الشريرة غلطانة وجنة مظلومة، لكن عشان نحكم على أي موضوع لازم نسمع من الطرفين”.
وأضافت: “ومينفعش نغلبهم بالصوت ونهيج الرأي العام ضد بنت عندها 19 سنة بتلعب في منتخب وعندها بطولة. أنت كده مش بتدمر نفسيتها أنت بتدمر نفسية كل زملائها اللي معاها في المنتخب. وأي فيديو بينتشر مفيهوش الحقيقة كاملة، وطالما إنك غير محترف لركوب الدرجات مينفعش تحكم زي المحترفين”.
وذكرت ياسمين عز موقفا حدث معها قائلة: “مرة حصل موقف ما وكان فيه فيديو معين أظهر واقعة معينة وأنا على علم إن الواقعة غير حقيقية واللي طلع خلى الناس تاخد رأيي. فكلمت شيخ من دولة عربية معروف قلت له إزاي الناس ممكن تشوف الحقيقة وهي مش حقيقة. قال لي عين الكاميرا حقيرة، وطالما اشغلتي المهنة دي وقبلتي إنك تظهري للناس لازم تتقبلي ده إلى أن يثبت العكس، فالمفروض نسمع من الطرف الآخر ونحكم إذا كان لينا حق الحكم، لأن في ناس تانية هم أصحاب القرار”.
واختتمت بقولها “اعتبريني أختك الكبيرة. لما يتحط اسمك في موضوع يدينك لازم تطلعي تردي وتختاري هتردي مع مين. لأن طول ما إنتي ساكتة الناس هتكون واخدة وجهة نظر الطرف الآخر، فلازم تردي علشان ده مستقبلك وحياتك”.
ومؤخرا دفاعت ياسمين عز عن لاعبة منتخب مصر للدراجات شهد سعيد بخصوص أزمتها مع زميلتها بالمنتخب جنة عايزة وحادثة بطولة الجمهورية الأخيرة بقولها “مصر كلها حكمت إن شهد الساحرة الشريرة غلطانة وجنة مظلومة، لكن عشان نحكم على أي موضوع لازم نسمع من الطرفين”.
وأضافت: “ومينفعش نغلبهم بالصوت ونهيج الرأي العام ضد بنت عندها 19 سنة بتلعب في منتخب وعندها بطولة. أنت كده مش بتدمر نفسيتها أنت بتدمر نفسية كل زملائها اللي معاها في المنتخب. وأي فيديو بينتشر مفيهوش الحقيقة كاملة، وطالما إنك غير محترف لركوب الدرجات مينفعش تحكم زي المحترفين”.
