✍️ يوحنا عزمي
ترامب قال ان دول البريكس اللى هتصدر عملة بديلة عن الدولار او هتستخدم عملة بديلة عن الدولار الأمريكي في التبادل التجاري هيتم رفع الجمارك على صادرتها لـ أمريكا لتصل إلى 100 %.
ترامب بيقول باختصار .. هتبدل العملة الأمريكية يبقي إنتاجك وبضاعتك مالهاش مكان في السوق عندي .. تاجر ابن تاجر وعارف ايه اللى بيوجع.
ممكن واحد يقول ان بعض الدول في البريكس مالهاش تصدير قوي لـ أمريكا .. هتخسر ايه يعني؟
هقولك الخسارة هنا مش تجارية او إقتصادية ولكن فكرة أنه يبقي فيه إعلان رسمي أنه مفيش مصالح تجارية بين الدولة دي وأمريكا دا معناه ان الدولة دي مالهاش تمن في حسابات أمريكا ولا حاضرة في رؤيتها السياسية .. فالقرار مش تجاري ولا جمارك وبس .. دا نسف عملي للعلاقات وخفضه لاسوأ مستوي ممكن.
هل أصبح البريكس في ذمة الله ؟
المعركة دي معركة الصين في المقام الأول .. بس دا لا يمنع ان هنالك مساحة لكل دولة عضو في البريكس انها تتفاوض مع أمريكا على إعفاءات او إتفاقية تجارة حرة ثنائية بين البلدين.
بس كبداية .. ترامب يعلن الحرب على تجمع بريكس.
