الفن نيوز

“جلساتهم كلها ذنوب”..عفاف شعيب تكشف سر ابتعادها عن جلسات النساء بالوسط الفني

حلت الفنانة القديرة عفاف شعيب في ضيافة برنامج “كلام الناس” الذي تقدمه الإعلامية ياسمين عز والمذاع عبر فضائية “MBC مصر”، وأدلت خلال الحلقة بتصريحات هامة وأسرار لأول مرة تكشفها في حياتها كما تحدثت عن حياتها بعد الحجاب وكشفت عن رأيها في بعض الأمور الخاصة في الوسط الفني وفي هذا التقرير ترصد لكم مجلة هافن لكم أبرز تصريحاتها.

عفاف شعيب تكشف سر ابتعادها عن صداقات الوسط الفني

ردت الفنانة عفاف شعيب على شائعة مقاطعتها لنجمات في الوسط الفني بعد خلعهن للحجاب فقالت: “أنا مش مخاصمة حد بس أنا بعيدة أوي عن صداقات الوسط أنا خدت ركن لوحدي بس مش أكتر عشان ميحصلش مشاكل لإني عايزة أقابل ربنا وهو راضي عني وعايزاه يرزقني حسن الخاتمة”

تابعت حديثها عن تغيير حياتها بعد الحجاب وقالت: “الحجاب عمومًا بيحجبك عن حاجات كتير وعصمني من حاجات كتير برضة، وكدة كدة كتر الكلام بيجيب مشاكل فبالتالي بتاخدي وزر فـ لية كل دة مش مستاهلة يعني،
وشوفي إنتي بتبقي عارفة أن أي قاعدة ستات لا تخلو من الكلام والرغي الكتير الي بيجيبوا الذنوب طبعًا”.

عفاف شعيب تتحدث عن فترة إجهاضها لنفسها وتوبتها

تحدثت عفاف شعيب عن توبتها بسبب إجهاضها لنفسها أكثر من مرة وقالت: “أنا صومت 3 سنين ورا بعض شهرين شهرين شهرين، لغاية ما حسيت إني ربنا راضي عني وارتحت وإن الله غفور رحيم، واتأكدت بعد ما شوفت حاجة معينة كدة مش حابه اقولها لانها كرامات واسرار صعب الواحد يقولها”.

عفاف شعيب تتحدث عن إمكانية خلعها للحجاب

كشفت عفاف شعيب عن الفكرة المنتشرة بين الفنانات وهي خلع الحجاب والاكتفاء بالاحتشام فقط وقالت: “الحمد الله رب العالمين أنا عمري ما راودتني الفكرة دي، لو انتي ايمانك ضعيف ومفيش ايمان هتقولي يلا بقي وانا بصراحة مش عايزة الدنيا تاخدني لان الدنيا دي من الدناوة والدنيا بتغر اوي وفي النهاية زائلة”.

وأضافت: “الدنيا بتغرك تقولك شوفي دي لابسه ايه وشوفي دي شعرها ايه ودي عامله ايه، عمري ما جاتلي الحاجة دي حتى قبل ما اتحجب كنت اروح مهرجان كذا وكذا وعمري ما اقول فلانه دي احسن مني”.

عفاف شعيب تروي آخر مكالمة بينها وبين الراحلة شويكار

كشفت الفنانة عفاف شعيب عن تفاصيل المكالمة الأخيرة بينها وبين الفنانة الراحلة شويكار: ” شويكار كلمتني قبل ما تموت بأسبوع وعمالة تأكد عليا وتقولي عفاف اوعى تنسيني وتكررها كذا مرة وانا مش فاهمه وبقولها انساكي في ايه، قلقت عليها بصراحة وكلمتها بعدها بيومين مردتش وعرفت بعدها الخبر ده”

وأضافت: “هي كانت تعبانة بس بتقاوح، بس انا مطمنه عليها أنها كانت بتصلي الفجر وتنام وتقولي هصلي الفجر وأنام فكنت أقولها صلي الشروق بالمرة فترجع تقولي والله يا عفاف أنا ملتزمة وحاسه براحة نفسية وحتى أما روحت المدافن معاها حسيت براحة نفسية”.

عفاف تكشف عن تجربتها في الزواج: “أنا خايبة وأتعرضت للسحر”

كشفت عفاف عن تجربتها مع الزواج وقالت: “أنا خايبة في الجواز وانفصلت عن جوزي وهو حاول يرجعلي وانا رفضت والجواز عامل زي لقمة العيش لو اتقطعت خلاص كل واحد في حاله، انا دايما ربنا بيجبلي حقي لان كان في ست عملتلي عمل عشان تاخد جوزي مني وبعدها انا دعيت عليها عرفت انها عملت حادثة بالعربية وهي عاجزة لغاية دلوقتي ودايما دعائي مستجاب وربنا وكيلي”.

الجدير بالذكر أن آخر أعمال عفاف شعيب هو مسلسل “زي القمر ج2” الذي تم عرضه العام الماضي وهو من بطولة نجوم عديدة حيث أنه يحتوي على أكثر من حكاية ومن أبرزهم درة ومحسن منصور وأحمد حلاوة وصابرين وأيتن عامر ولبنى ونس ولكل حكاية مخرج منفصل فـ شيرين عادل مخرجة “حكاية غالية” وأحمد شفيق مخرج حكاية “واحد في المية”.

اترك تعليقاً

لن يتم نشر عنوان بريدك الإلكتروني.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!