شهد شاهين
شهد الجمهور بالأداء الرائع التي قدمته الفنانة فريدة سيف النصر في مسلسل العتاولة التي عرض في رمضان وحقق المسلسل نجاح جماهيري وفني كبير وتفاعل معه الجمهور منذ عرض الحلقة الأولى من المسلسل
وكان لمجلة هافن حوار خاص مع الفنانة فريدة سيف النصر
كلمينا عن شخصية سترة في مسلسل العتاولة؟
مش محتاجة إن حد يتكلم عليها لانها هي واضحة أوي ودخلت قلوب الناس بالرغم إن ليها مواقف شر كتيرة لأنها بني آدم طبيعي قوي الشخصية عنده عزة نفس غلبان تلطش معاه الدنيا شبع من كل حاجة حواليه بيحب ابنه بيربي التاني يعني شخصية طبيعية جدا وموجودة في كل المجتمعات مش في مصر بس في الشر وفي الخير في ناس فعلا مش حاسين انهم عايشين حرام و مستمرين الفلوس عمياهم وفي ناس لا واخدين فكرة ربنا فادة موجود في كل الشخصيات مش شخصية سترة
ماسبب حماسك للمشاركة في العتاولة؟
انا مش هقولك حماسي إن أنا روحت وجريت لا هما كان الدور بتاع حد تاني خالص مرتين اتنين وفي الأخر جولي أنا فاعتذرت انا كمان مبحبش يجيلي شغل كان بتاع حد ولكن هو ربنا بقى هو اللي كاتب كدة والحقيقة هما سخر لي كل حاجة
خلوني مقدرش إن أنا أقول لا أنا مبدئيا اتعاملت مع الأستاذ علي حسن المنتج الفني هو راجل ذوق أوي وكمان تامر المساعد بتاعه أسلوبهم في الكلام والطريقة تخليكي تروحي تشتغلي معاهم في آخر بلاد المسلمين يعني في أي حتة
كنت لسة معرفش بقا إن المنتج الأستاذ صادق حد برضو محترم جدا وطبعا عرفت إن المخرج أحمد موسى وأحمد موسى بالنسبة لي كان من المخرجين اللي أنا برضو ممكن أكون حاطة عيني عليهم لأنه بيعمل شغل ناجح وأنا كل المخرجين الشباب الهايلين اشتغلت طبعا تامر محسن بيتر ميمي منهم برضو أحمد موسى اهو كتير كتير اشتغلت مع ناس كتير اوي تامر حمزة أحمد سلامة حسين المنباوي مش عايزة انسى حد ابدا انهم ناس كلهم علامات بالنسبة لي مهمة طبعا بجانب المخرجين الكبار إسماعيل عبد الحافظ هاني لاشين محمد فاضل لا أنا أشتغل كويس مع ناس حلوة أوي الحمد لله
طبعا الكاست كمان كان من ضمن الحماس متقبلتش مع السقا ولا زينة لا زينة ومي أتقابلنا في جعفر العمدة إنما السقا مكنتش تقابلت معاه خالص وطارق متقبلتش معاه من ساعة العائلة كنا لسة صغيرين يعني بتاعة وحيد حامد وإسماعيل عبد الحافظ أما باسم سمرة دة بقا اللي هو البونبوناية بتاعة العمل كلة الأدب والطيبة كلهم كويسين بس باسم زيادة أوي أبن بلد أوي طبعا الجراندات كلهم حبايبي واشتغلنا معاه حاجات كتير أوي زي الأستاذة ميمي الأستاذ صلاح عبد الله كلهم حبايبي
هل وجدتي صعوبة أثناء تصوير المسلسل؟
لا مكنش في أي صعوبة أثناء التصوير خالص كل حاجة متوضبة ومتساهل لينا كل حاجه والمخرج بيحب الفنانين والشغل ماشي زي الفل الصعوبة بالنسبالي بس لما مبقدرش أبعد كتير عن بيتي وكلابي وأحفادي أنا عاطفية شوية برتبط بالأماكن أوي فكان بالنسبالي أول مرة أقعد مدة كبيرة كدة برا مصر كل شغلي برا مصر والحقيقة لبنان زى مصر بالضبط وكانوا طيبين جدا وحلوين واللي بيشتغلوا في الأوتيل وبيشتغلوا في التصوير ناس كأنهم زى مصر بالضبط
هل شخصية فريدة سيف قريبة من شخصية السترة؟
في حاجات أيوة يعني هي جدعة هي عندها شخصية هي ليها هيبة يعني لما تقف تتكلم في أي حتة الناس بتسمع رأيها طيبة عصبية بس طبعا متربناش في الحرام ولا عيالنا حرامية ولا الكلام دة يعني في حاجات كل الشخصيات اللي في الدنيا فيها جوانب منك وطبعا بتحاشي أنتي الشر ممكن ده فيه من الشر دة ممكن فيه من الطيبة دي كريم بخيل دي صفات كلها في البشر
هل يستاهل مسلسل العتاوله النقد ده انه يشوه صورة مصر انه بيمثل البلطجة؟
لا طبعا ميستهلش كدة هو أي ناجحة يطلع لها أي كلام فكل مسلسل في أكشن أوي لنجوم كبار يقولوا في بلطجة عشان نخلص الموضوع بلطجة أي أحنا بنشوف المسلسلات اللبناني والسوري والخليجي بيحصل فيه مشاكل ضرب نار بيحصل عصابات كبيرة هو لازم يعني الضرب بالايدين يبقى بلطجة في بلطجة على مستوى أعلى
كيف استقبلتي ردود أفعال الجمهور؟
الحمد لله بيتر ميمي لما عملت معاه الأب الروحي عمتي زينب فضلوا سنتين تلاتة يقولوا عمتي زينب زينب العطار العمدة الفتوة أحمد بالرغم إنه لضيق الوقت مكملتش ال١٥ حلقة بتوعي فحتى الـ 3الحلقات اللي عملتهم كسروا الدنيا
كل الناس بقت تقول أبو أحمد في التيك توك والسوشيال ميديا الحمد لله أنا راضية جدا بكل حاجة ربنا بيبعتهالي اللي ينجحني في كل حاجة الحمد لله رب العالمين وردود الأفعال بس المرة دي بقا عشان هما تتفاجئوا أني اختفيت أو أتقتلت أو موت معرفش كانت الطريقة ازاي بس دي طبعا صاص بينز حلوة أوي من المخرج والناس أنا مش عارفة طبعا دي وجهة نظر مؤلف ومخرج فالناس راحت متاخدة
فطبعا رد فعلهم كان قوي جدا لما يرتبطوا بحد اي وديتها فين راحت فين في ردود فعلهم دي كانت جميلة والهاشتاج واللي جولي عند البيت بحمد ربنا عليها كل شوية الحمد لله اللهم دمها نعمه يارب الحمد لله بالعكس الأختفاء بتاعي دة جه في مصلحتي
ماهو أغرب تعليق جالك عن الدور؟ وماذا كان ردك ؟
لا مفيش حد علق على الدور بصراحة لأن كل الناس بتتكلم حلو أوي على الدور بصراحة لكن مستغربتش من حاجة وأرد أقول كتر خيركم متشكرة جدا إنكم حبته سترة بكل ما فيها
ماهو تعليقك عن قيل عنك وأسباب استبعادك من الجزء التاني؟
تعليقي حاجة بسيطة جدا نمرة واحد حكاية التأخير أزاي أنا في لبنان أحنا محطوطين كلنا في أوتيل واحد جمب بعض كأننا زي عمارة فيها جيران والعربيات بتيجي تاخد وقت ما هما عايزينا وبتتحط في الكرفانات لما مطلوبنا في مكان لوكيشن تصوير بياخدوا بالعربيات لمكان اللوكيشن اللي هو ميبعدش عنه كام متر ٢٠٠ ٣٠٠ متر
لكن احنا في كرافنتا قاعدين يعني منعمين كل طلباتنا مستجابة ازاي مروحش بدليل اي أنا عطلت التصوير بدليل إن أنا كنت بقعد الأربع أيام أو بست أيام أو تلات أيام بقعد في الأوتيل لوحدي بعطل ازاي طب مانا موجودة لو كانت عايزيني كانوا خدوني ومبتكلمش طبعا إن هما بيشتغلوا في مشاهد ناس تانية وعندهم حلقات لازم تتقفل مكنتش بتكلم أزاي بقا بعطل وأنا قاعدة كدة كأني بأخذ حمام شمس مثلا لا ده كلام فاضي نمرة تلاتة حكاية العيال والتوتر
اعملي البوست سكرين شوت زي ما كل القنوات كلمتني وخلاص بقا يعني كدة بقا كسبوهم أوي اللي بيكتبوا دول المغردين قلت لزمايلي قولتلهم ردوا انتوا بقا عشان أنا تعبت أنا مش هرد على الناس دي إني بوتر هم وبقربهم أي الكلام الفاضي دة ردو كل البنات الجداد والشباب الجداد وحبيبة قلبي الفنانة مي كساب كفاية بقى الباقيين لو كانوا معايا على الصفحة كانوا ردوا برضه كفاية بقى هما مستكترين كاست يطلع حلو وبيحب بعضه ومفيش خناق الله أكبر دة أنا كنت يوم التصوير موجودة
وقالولي مش هتصور روحي لا عملت مشكلة ولا تكلمت ولا قليت أدبي ولا أي حاجة ولا حتى سألت لي روحت سلمت عليهم كلهم ومشيت في أي هما عايزين يعملوا مشاكل وخلاص لأني مقتنعة إن محدش هيضرني مقتنعة إن دي وجهة نظر مخرج ومؤلف يحترموا شكرا
هل يوجد أعمال جديدة في الفترة القادمة؟
في حاجات كتير أوي كلموني في حاجات يعني شبه اعتذرت بالذوق كدة لأن أنا بحب يبقالي أحداث محركة أبقى شئ ليه لأزمة مش بس مجرد إنها أم أو ست لا بحب أمثل بصراحة يعني بحب أدوار صعبة مركبة وأدوار مهمة بس مش أكتر من كدة ومبقاش بالشبر على فكرة المهم مش بالكترة يعني
