الموسيقار هاني شنودة والمطرب النقاش في ضيافة برنامج الحكاية حل ليلة أمس، الاثنين، الموسيقار الكبير هاني شنودة والمطرب النقاش أحمد سالم ضيفا برنامج الحكاية المذاع على قناة Mbc مصر، ويقدمه الإعلامي الكبير عمرو أديب.
الموسيقار هاني شنودة يشيد بموهبة المطرب النقاش أحمد سالم
وأشاد الموسيقار هاني شنودة خلال الحلقة بموهبة المطرب النقاش أحمد سالم، قائلًا: “أنا أول مرة أعرفه دلوقتي في البرنامج، ودخل مزاجي على طول؛ لأن عنده كاريزما، لكن عشان أقول هو موهوب لازم أعمل له تدريب صوتي، وأنا سألته لقيته مش عارف معنى فوكاليز”.
هاني شنودة يجري اختبارًا للمطرب النقاش أحمد سالم
وأجرى الموسيقار هاني شنودة اختبارًا صوتيًا للمطرب أحمد سالم، الشهير بلقب المطرب النقاش، وعقب إجراء الاختبار الصوتي على الهواء، علق هاني شنودة على صوت أحمد سالم قائلًا: “ودنه وعربه كويسة، وشكله حلو وإحنا في زمن الشكل هو كل حاجة”.
وأضاف: “هو مرشح يكون مطرب ومن أكبر نجوم الطرب في مصر الفترة الجاية، وأنا مستعد ألحن له ونكسر الدنيا مع بعض”.
الموسيقار هاني شنودة يعلق على منع المطرب النقاش من الغناء في دار الأوبرا
وعلق الموسيقار الكبير هاني شنودة على منع المطرب النقاش أحمد سالم من الغناء في ليلة ختام مهرجان الموسيقى العربية في دار الأوبرا، قائلًا: “أنا عندي مبدأ مختلف، لو موهوب يبقى زميلي، بغض النظر عن الورق أو كارنيه أو السن، واحد الأدوار المهمة للأوبرا البحث عن المواهب الجديدة”.
وأصاف: “أنا عملت أغنية لواحد بيلعب على طشت، وبقى نجم كبير في محافظته، ولما طلبناه يطلع حفلة معانا قال أنا مشغول في الأفراح”.
هاني شنودة يتحدث عن اكتشافه لعمرو دياب
وتحدث أيضًا الموسيقار الكبير هاني شنودة عن النجم عمرو دياب، وإنه تبنى موهبته منذ بداية مشواره الفني، قائلًا: “لقيته بيخبط على الباب وبيقولي عايز أبقى مطرب، قولتله اتفضل غني، بعد ما غنى صوته كان حلو وودنه كويسة، بعدها اقترحت عليه يجي معانا القاهرة واتفاجئت بيه واقف عند الاتوبيس، وقالي أنا جاي معاكم مصر عندك حد اسكن عنده، قولتله أنا عندي وركب معانا الاتوبيس، وجه القاهرة واتوسطله ودخل معهد الموسيقى العربية”.
واضاف هاني شنودة: “لما عمرو إتصور بفانلة حمالات كل الناس استغربت إلا أنا، لإنه وجه الشباب للجيم بدل المخدرات والحاجات الوحشة، وأنا لو مكانه آخد فلوس من كل جيم اتفتح في مصر”.
