تحدث الشاعر تامر حسين في برنامج وشوشة، الذي يقدمه الإعلامي أحمد الهواري والإعلامية يمنى علي عن الخلاف، الذي وقع بينه وبين الهضبة عمرو دياب والملحن عمرو مصطفي،
وأوضح: “أنا أتمنى الخلاف بيني وبين عمرو مصطفي يتحل، بس الحقيقة مش عايز أقول كلام أدينه بيه على الهوى، عمرو مصطفي عشرة عمر ومتمنالوش حاجة وحشة، عمرو دياب كبيرنا”.
واستكمل حسين: “بس أنا شايف الموضوع كبر شوية، لما أنت تغلط فيا وعمال تتجاوز وأنا ساكت، أنا وعمرو مش بنتكلم كتير واتكلمنا بالصدفة مرة، لما كتب بوست العيد ميلاد، عمرو مصطفى عنده مشكلة إنه حساس جدًا وحساسيته بتخلي يتخيل حاجات مش موجودة فعلًا، بيتخيل إن إحنا احنا في مشكلة عاملينها عليه، وأنا ليا غرض ويظلمك، فالظلم ده صعب عليا”.
وأضاف: إحنا عشرة 13 سنة، المفروض يكون في بينا ثقة أكتر، عمرو مصطفى قلبه أبيض وجدع وذوق، بس موضوع إنه بيسخن، والاتنين إخواتي”.
كما سأله أحمد الهواري عما إن كانت المشكلة بسبب أن عمرو عمل مع الشاعر عزيز الشافعي.
رد حسين، قائلًا: “لا خالص مكنتش دي المشكلة، والألبوم ده عمرو مصطفي عمل عشر أغاني، عشان كده بقولك أنا مش شايف إن فيه مبرر، وعزيز الشافعي راجل ذوق في المزيكا ومختلف وليه طعم، وعمرو مصطفى مختلف وليه طعم تاني، عمرو مصطفى على المستوي الشخصي طيب”.
وتابع: “كنت بقول لـ عمرو مصطفي مشاكل الهوى متنفعش، عشان أنا عندي بيتي وعندي الناس اللي بتحبني، فلما بترجع تكلمني تاني بيبقى في حساسية، وياما كان في مشاكل بس بينا وبين بعض في القعدة اللي إحنا فيها، مش بتخرج بره بس الحاجات بتاعت العلن دي مش بتبقى حلوة”.
تامر حسين يذكر الجمهور بأول أغانيه
وذكر حسين الجمهور بأول أغانيه، قائلًا: “أول أغاني ليا كانت مع حسام حبيب في 2006 كان اسمها أجمل قصة حب، في غمضة عين، وعمرو مصطفى كان هيغني وقتها، فكان بالمعايشة اللي شوفتها أعمله شخصية في الكلام، فكنت حاسس إن عمرو هيليق عليه أنا نسيتك”.
أبرز الفنانين التي تعاون معهم تامر حسين خلال مشواره الفني
يذكر أن الشاعر تامر حسين تعاون مع الكثير من المطربين، ومنهم حسين الجسمي، آمال ماهر، أصالة، بهاء سلطان، هاني شاكر، محمد حماقي وغيرهم.
