عرضت أمس الحلقة الأخيرة من مسلسل “موضوع عائلي 2” الذي تصدر تريند جوجل وجميع محركات البحث فور عرض الحلقة.
وخاصًة أغنية “بنت أبويا” التي قامت بغنائها “هنا يسري” في مشهد الزفاف، وعبرت “هنا” عن سعادتها بالأغنية من خلال منشورًا عبر موقع إنستجرام.
هنا يسري تعبر عن سعادتها بنجاح أغنية “بنت أبويا”
نشرت مقطع من الأغنية وعلقت عليها قائلة: “وأخيرًا نزلت بنت أبويا، أولًا عايزة أشكر ربنا أوي إنه رزقني بالأغنية الحلوة دي لأنها مليانة مشاعر حقيقية وصادقة أوي”.
وأكملت يسري: “وكل بنت بتعيش الحالة دي مع باباها فعلًا عشان كده الأغنية دي خاصة بالنسبالي جدًا، وعشان كده إمبارح بالذات كنت مفتقده بابي أوي في حدث مهم زي ده عارفة إنه هيفرح بها أوي”.
وتابعت حديثها قائلة: “لإنه كان دائمًا يهزر ويقول مافيش أغنية حلوة للأب ياجماعة أنا غنيت للأب يا بابي أهو وعارفة إنك فرحان بيها زي ما كل أب إن شاء الله هيفرح بالأغنية دي مع بنته طول الحياة”.
وأضافت: “الأغنية دي طالعة من قلبي لكل أب فخور جدًا بأن جزء من مسلسل مهم زي موضوع عائلي وفكرة إني أغني بنت أبويا ده كان أحلى حاجة حصل ليا في 2022”.
كما وجهت الشكر أيضًا إلى موزع الأغنية نادر حمدي وقالت له: “شكرًا على إن ده أول شغل وتعارف بينا بس إنت كنت من أول لحظة داعم ليا أوي من قبل حتى ما نشتغل مع بعض”.
واستكملت حديثها قائلة: “دايمًا بقولك إني كان نفسي أشتغل معاك من زمان أخيرًا حصل ودايمًا كلامك ليا بيفرق معايا جدًا”.
كلمات أغنية بنت أبويا
صوت رنة المفتاح في الباب ساعة أما توصل، ومكالمة نص اليوم لما من غير داعي تسأل، وإزاي من ورا قلبك لما اصالحك وتتقل، وحضنك اللي بنسى قبله ليه كنت بزعل..
رأيك اللي كله حكمة وصوتك حفظته، كل موقف يوم زعلني وبعدين فهمته، أنت اللي أنا رافعة رأسي من ورا اسمه وسيرته بنت أبويا آه يا بختي عمر وياك عيشته.
الأغنية من كلمات منة عدلي القيعي وألحان إيهاب عبد الواحد وتوزيع نادر حمدي، جيتار شريف فهمي.
