حوار خالد حمادة احمد
احنا صخر ميتكسرش و كل ضربه يزيد ثباث
منسي حي ميتنسيش بعد ارضي خلاص مفيش ، منسي 100 مليون يموتوا والبلد دي متنحنيش .
صرحت آيه فوده بهذه الكلمات التي ألهبت حماس كل المصريين نجحت أغنيه ” احنا مش بتوع حداد ” في التعبير عن موقف القوات المسلحة عقب استشهاد زملائهم في المعارك ضد الإرهاب الأسود بشمال سيناء ، الاغنيه الجديدة التي هزت مشاعر الملايين قام بتاليفها الرائد ” محمد طارق وديع ” ، وحرصت مجله ” هافن ” في حوار خاص مع آيه أسامه فوده عن كواليس الاغنيه وأسباب مشاركه والي نص الحوار:
فى البداية.. عرفنينا بنفسك ، و ماهي دراستك؟
_ اسمى ” آيه أسامه فوده ” بوست بروديوسر بشرح بسيط منتج منفذ للمؤثرات البصريه، أعمال التلوين و المونتاچ بالاعمال التلفزيونيه و السينما ، واتخرجت من كلية اعلام قسم اذاعه و تليفزيون بتقدير جيد جيدا و حصلت على منحه بوكالة رويتز بلندن .
كلمينا عن طبيعة شغلك ، والفرصه جت ازاي انك تبقي موجوده في اي عمل فني ؟
_ شغلى زى ما قلتلك مرتبط بالصوره ، جمالها و تكميلها عن طريق المؤثرات البصريه و التلوين ، اما المونتاچ فالمميز فيه انك كأنك بتساعد المخرج فى سرد القصه اللى عايز يوصلها للمشاهد .
كل منا في مرحله الطفوله له حلم خاص، ماذا كان حلم ايه فوده ؟
_ جزء من حلمى هو اللى وصلتلوا دلوقتى ، هو دخولى كلية اعلام و عملى بمجال الاعلام ، بس لسه ده مش كل حلمى ، لسه بتمنى امثل وده بعد ما اتميز فى عملى الحالى و بشكل ملحوظ .
حدثينا عن شعورك تجاه اغنية ” احنا مش بتوع حداد ” ، و كيف وجدتها ردود أفعال الجمهور للشهيد ” احمد المنسي ” الله يرحمه ؟ طبعا الاغنية اى حد يتمنى يشتغل فيها و خصوصا انها اهداء لروح الشهيد احمد منسى و الجيش المصرى فى العموم و انا والدى كمان ظابط جيش اللواء أسامه كامل و كبرت على قصص بطولاته و بطولات الجيش ، و انا كنت حاضره التجهيزات للأغنيه و سمعتها من منتجينها أحمد عبد السلام و هبه غندور اصحاب شركه ستار ايدچ و محمد وديع مؤلف الاغنيه، من اول ما سمعتها و حسيت نجاحها و اتمنيت اشتغل فيها و الحمد لله حصل ، ردود الافعال حسستنى بخير البلد ، واد ايه شعب مصر بيحب و بيغيير على بلده و اد ايه احنا كشعب كان متعطش للاغانى الوطنيه الراقيه المخلصه دى .
هل توقعتها قبل عرض العمل هذا النجاح الكبير الذى حققه بالاغنيه ” احنا مش بتوع حداد ” مع الجمهور ؟
_ طبعا! بنسبالى طبعا كنت متوقعه النجاح ده ، بس اللى ابهرنى بجد هو التفاعل المبالغ من الناس! كمية الناس اللى بعتتلنا هنتنا و غنتها على فيس بوك و تيك توك و تبعتلنا نشوف و كمية الناس الغير مصريين اللى تفاعلوا. ناس كتير اوى من خارج مصر . حاجه تفرح ،و المتضامنين مع جيشنا حتى الاطفال بعتولنا يقولولنا لما نكبر اكيد هنبقى زى منسى .
مين صاحب كلمات الاغنيه ؟
_ الرائد محمد وديع و بالمناسبه هو كان صديق مقرب للبطل أحمد منسى .
ما الذى رشحك لهذا العمل ؟
_ منتجين العمل أحمد عبد السلام و هبه غندور أصحاب شركة ستار ايدج و المؤلف محمد وديع بتربطنى بيهم معرفه شخصيه فكان حظى حلو انى حضرت التجهيزات من الاول و اشتغلنا مع بغض كتير و ده كان سبب الترشيح ، رغم ان الاغنيه دى كان وديع مجهزها و محضرها من زمان من ااستشهاد منسى .
كيف كانت أجواء التصوير و الكواليس في ظل انتشار فيروس كورونا، هل كان هناك مشاهد في الاغنيه تم الاستغناء عنها بس الخوف من التجمعات ؟
_ لا مستغنناش عن حاجه لان من البدايه كنا عملين احتياطاتنا و وخدين حظرنا حتى فكرة التصوير كانت بعد الكورونا لان كله تم فى رمضان فى عز الكورونا و كنا بنستخدم الكمامات، و الكحل فى اللوكشين .
وماذا عن التعاون مع الفنان أحمد جمال ، والمخرج محمد القاضى ؟
_ كأنى اعرفهم من سنين ، كأنى بتعامل مع صحابى من سنين ، قابلين لسماع اى فكره و اى تعليق و متعاونين جدا .
هل كان في اي صعوبات واجهتك ؟
_ الوقت كان هو اصعب حاجه وجهتنى ، ده خلانى انا و فريق العمل نشتغل كذا يوم متواصل من غير نوم ، عشان نلحق نعرض العمل فى الوقت ده .
شايفه ايه فوده فين خلال الفترة القادمة ؟
_ ان شاء الله اتوسع فى عملى و اشارك فى ادوار أكتر و أحقق نجاح أكبر و جايز احقق حلم الطفوله و امثل
من مثلك الاعلي في عالم الفن ؟
_ فى الاخراج مروان حامد وخصوصا بالنجاح اللى وصلوه و فى سن صغير ده ، و طارق العريان و ده لانه دخل للسينما روح وتكنيك جديد ، و فى مجالى انا طبعا ياسر النجار و ده لانه دايما الاول فى مجاله و بيهتم بالتفاصيل و ديما بيدور على الجديد فى المجال و هو اللى علمنى و لسه بيعلمنى و هو سبب النجاح .
حابه تقولي كلمة اخيرة ؟
_ حابه اشكر كل المهتمين بالاعمال اللى ليها هدف و بتفيد بلدنا وبتفيد الناس.
