فن

بعد انفصال أحمد العوضي وياسمين عبدالعزيز تعرف عن أهم التصريحات

✍️ميرنا أشرف

أعلن النجمان أحمد العوضي وياسمين عبد العزيز عن طلاقهما يوم الثلاثاء، وذلك عبر منشورين على مواقع التواصل الاجتماعي.

أبرز تصريحات الفنان أحمد العوضي عن ياسمين عبد العزيز

– أول تعارف بينى وبين ياسمين عبد العزيز كان من خلال مسلسل “لآخر نفس” وأول مرة شافتنى مسكتنى من كتفى وخلتنى أبص أشوف مين ماسكنى جامد كده.

– إحنا متجوزين من بدرى ومحدش كان يعرف ووقت عيد ميلادها كنا متجوزين مش وقت ما أعلنا في شهر مايو في رمضان.

– علاقتنا جاءت تعارف وإعجاب وحب وزواج ولم نعلن وقتها حتى نتأكد من إستمرار العلاقة وحتى لا تحسب على ياسمين علاقة وخلاص.

ياسمين عبد العزيز أكبر منى بـ 6 سنوات فقط وليس 12 سنة كما يقال فى الأخبار، وحتى لو أكبر منى بـ 20 سنة مش هيفرق كتير الموضوع ده.

– اكتشفت أن ياسمين عبد العزيز غيورة جدا عندما حضرت إلى منزل والدى، وعشان أباجورة عزيزة عليا مسميها “دولت” رميتها وكسرتها فى الأرض ووقتها أدركت مدى الغيرة اللى هاشوفها.

ياسمين عبد العزيز طلبت منى الطلاق لما شافتنى أول ما صحيت الصبح وأنا باكل كبدة نية، فخافت وقالت إني باكل دم وإنى لازم أطلقها خوفا على نفسها.

ياسمين عبد العزيز بتعمل كوباية شاي غريبة، هي مش بتعمل حاجة هو باكت شاي على شوية سكر ونعناع، بس عاملة زي بتاعة النمر والأنثى فيها حاجة.

– ذاكرة ياسمين مثل السمكة تنسي سريعاً الأشياء، بس اللي بتنام عليه بتصحي عليه، وكلمتى في البيت هى اللى بتمشى.

– الفعل بياخد وقت، الفعل صعب، أنا مش من الرجالة اللي أقول كل شوية بحبك بعشقك، وبقولها يا أفعال يا قواله، أختاري مفيش الاتنين أحنا مش في الجنة، وهي اختارت الأفعال

أما عن تصريحاته أثناء أزمتها الصحية

– في الأول لما مكنش حد عارف ياسمين عندها ايه، فكلمت الدكتور هشام الكيلاني قالي قدامها من ساعة لتلات ساعات وخلاص.

– الموضوع كان صدمة بالنسبة لي وكان همي تدخل العمليات، وكتبت إقرار العملية.

– وأنا مستنى تطلع من العمليات الدكتور قالي قدامها النهاردة وبكرة، لو عدى إحنا تمام وإحنا عملنا اللي علينا، الكلام ده أنا بسمعه في الأفلام أول مرة اتحط في الموقف ده.

– علاقتنا جماهيرية ودائماً الناس في تفاصيلنا أكتر، ودي حاجة بتسعدنا، وهنا قولت مش كفاية أنا وأصحابي بس ندعيلها، عشان كده لجأت للناس عشان يدعولها، وكتبت بوست.

ومن جهة أخرى جاءت تصريحات الفنانة ياسمين عبد العزيز عن الفنان أحمد العوضي

ياسمين عبد العزيز: “أنا مش رقيقة مع أحمد العوضي، وكنت مقررة معملش مسلسل تاني وأرجع السينما بعد ما تخلص أزمة كورونا لكن كورونا مخلصتش”.

ياسمين: “أنا في شغلى مش بهرج، فقلت إن مسلسل اللي ملوش كبير هيكون سبب طلاقي، وده فكرة مش كويسة”.

ياسمين عبد العزيز لـ العوضى: “قعدت تقولي وحش الكون وحش الكون أديني كنت هيسب الكون وأروح”.

تمكن كلاً من “العوضي” و”ياسمين” من كسب محبة جمهورهما العريض من خلال عدة أعمال درامية مميزة شاركا فيها قبل إعلان انفصالهما الرسمي.

مسلسل “لاخر نفس”، يعد هذا المسلسل الذي جرى عرضه في عام 2019 هو أول عمل درامي يجمعهما معا.

مسلسل “اللي مالوش كبير”

أشترك الثنائي فيه عام 2021، وكسبا في حلقاته المختلفة قلوب متابعيهما، بسبب المشاهد المؤثرة التي لعباها بطريقة ممتازة.

مسلسل “ضرب نار”

ظهر فيه أيضًا الثنائى ياسمين عبدالعزيز وأحمد العوضي معاً وتدور أحداثه حول بعد أن يسافر جابر من الصعيد إلى القاهرة بسبب الثأر، يلقيه القدر في طريق مهرة، السيدة المكافحة التي تربي شقيقيها، وتنشأ بينهما قصة حب يتحديان بها ظروفهما الصعبة.

وشارك في بطولة العمل عدد كبير من الفنانين بجانب أحمد العوضي وياسمين عبد العزيز، أبرزهم ماجد المصري، سهير المرشدي، انتصار، إيمان السيد، ضياء عبد الخالق، مها نصارى، تامر نبيل، أحمد عبدالله محمود، تيسير عبدالعزيز، ومن تأليف ناصر عبد العزيز، وإخراج مصطفي فكري.

اطلب برنامج ويبو للمدارس والجامعات اطلب برنامج ويبو للمدارس والجامعات
error: Content is protected !!