✍️ يوحنا عزمي
اولاً .. يتم التحقيق مع بنيامين نتنياهو رئيس وزراء الإحتلال واثنين من مستشاريه بتهم هي غسيل الأموال والرشوة والتواصل مع عميل أجنبي والتهرب الضريبي.
يعني إحنا أمام قضية ممكن تصل لحد إتهام نتنياهو بأنه عميل قطري او جاسوس.
ثانياً .. الوسيط بين حكومة الدوحة ومكتب حكومة تل أبيب كان شركة ضغط لوبي أمريكية هي Third Circle Inc او الدائرة الثالثة ، رئيسها هو السياسي الأمريكي جاى فوتليك Jay K. Footlik الذى عمل في حملة بيل كلنتون الرئاسية عام 1992 ولما انتصر كلنتون عين فوتليك مستشاراً له ، وحينما خاض جون كيري الإنتخابات الرئاسية عام 2004 كان فوتليك من قادة الحملة وكبير مستشاري كيري لشؤون الشرق الأوسط وهى الحملة التي خسرت أمام جورج بوش الإبن.
لاحقاً حاول فوتليك الترشح للكونجرس الأمريكي عن الحزب الديموقراطي وفشل، وعقب ذلك قرر ترك العمل الحزبي والبرلماني والدبلوماسي الأمريكي واستغلال علاقته بالخليج العربي في تأسيس جماعة ضغط سياسي تعمل بفلوس الخلايجة من اجل إنجاز مهام خاصة بحكومات الخليج في أروقة العاصمتين الأمريكية والإسرائيلية.
حلقة الإتصال بين الدوحة وتل أبيب لم تكن جاى فوتليك فحسب ولكن رجل الأعمال الإسرائيلي المقيم في الإمارات جيل بيرجر.
هي شبكة ضخمة من غسيل الأموال والرشاوي من اجل تحسين صورة قطر واميرها في الأوساط الأمريكية إضافة إلى ملف التعاون بين قطر وإسرائيل على وقع مسرحية طوفان الأقصى.
ثالثاً .. المطلوب أمام التحقيقات ثلاث مستشارين لنتنياهو ليس اثنين “يوناتان اوريخ” و “ايلي فلدشتاين”.. وثالثهم يسرائيل آينهورون الهارب لصربيا.
رابعاً .. كشف رونين بار رئيس جهاز أمن الدولة في إسرائيل “شاباك” هذه الشبكة مبكراً ، وقرر نتنياهو من اجل إنقاذ رقبته ان يسعي لاقالته بحجة اخفاقه في توقع 7 أكتوبر.
يبقا خد بالك دلوقتي ان 7 أكتوبر في إسرائيل بقت سلاح نتنياهو لاقالة الشخصيات العسكرية والأمنية اللى بتكشف شبكات الفساد اللى مكتبه عايم فيها، عشان محدش كمان كام سنة يضحك عليك ويقولك 7 أكتوبر 2023 وجعت إسرائيل بدليل إقالة او إستقالة جنرال ولا صول ولا أمين شرطة في بلدية تل ابيب .. الحدوتة كانت تصفية حسابات على وقع فضيحة رهيبة في مكتب نتنياهو ، فضيحة لا تخص نتنياهو فحسب ، اللى يعرف يرشي رئيس الحكومة يعرف يوصل لوزراء وعسكريين .. الخ.
خامساً .. النائب العام في إسرائيل هو السيدة جالي بهاراف ـ ميارا .. أول ست تتولي المنصب هناك في فبراير 2022 .
هنا حاول نتنياهو يقيل النائب العام ومعرفش لحد دلوقتي ، علما بأنه على خناق معاها من قبل 7 أكتوبر 2023 .. فالصراع بينه وبين الست دي قديم من قبل طوفان الأقصى .. وحاليا الصراع بقا بين نتنياهو والقضاء والمخابرات والجيش والنائب العام وأمن الدولة .. دي إسرائيل اللى حاولوا يسوقوها باعتبارها الدولة الديموقراطية الوحيدة في الشرق الأوسط.
عصابة بتحكم وبتلم فلوس وعمولات أجنبية ، واللى يكلمها في الجيش والمخابرات والداخلية والقضاء يقولوا له اسكت بقا دا انت كنت مقصر في 7 أكتوبر .. فزاعة جديدة ضد الكشف عن الفساد في الكيان الصهيوني.
سادساً .. خد بالك ان كافة التقارير اللى نشرت في الإعلام الإسرائيلي بفلوس قطر ، كانت قطر بتقوم بتدويرها في منصاتها الإعلامية والصحفية زي الجزيرة والعربي الجديد وعربي 21 وعربي بوست والتلفزيون العربي والشرق ومكلمين ، وصفحات اللجان الإلكترونية زي الموقف المصري وعبد الله الشريف وغيرهم من المنصات الغارقة في التمويل القطري اسوة بصحف واعلام إسرائيل ومستشارو رئيس حكومة الاحتلال.
تخيل وسط الحرب ، ومصر تخوض الوساطة الحقيقية الوحيدة الجادة كانت قطر شريك مصر في الوساطة ، تمارس هذا الطعن والخيانة كانت الوساطة تعقد في الدوحة ولا تؤتمن قطر عليها ! حتى شرف احتضان الحدث وشرف أمانة المجالس في عقر دارهم تمت خيانته.
هو لما الوساطة المصرية تفشل ولا الدور المصري يتضرب مين المستفيد ؟ هل قطر حقاً ؟ .. ام العدو الصهيوني ؟
عارف من أكتوبر 2023 طلع كام حملة صحيفة وإعلامية على مصر على الرئيس عبد الفتاح السيسي وجهاز المخابرات العامة المصرية المكلف بالوساطة ، وصلت بعض تلك الحملات إلى ذكر أسماء ضباط في الجهاز وصولاً الى السيد رئيس الجهاز ؟ هل تعرف كم مرة نصبوا ستوديوهات التحليل التلفزيوني وهاتك يا هبد وصريخ نقلاً عن الإعلام الصهيوني ؟
كام مرة منصة الموقف المصري ـ موقف إسطنبول سابقاً ـ اشتغلت على سكربت قطري بحت إلا وهو ضعف الدور المصري بل ولانهم مكلفين بضرب تيار القومية المصرية قالوا لك يضربوا التكليفين في بعض وان الحكومة المصرية بتمارس نظرية العزلة الأمريكية بسبب سياسة مصر أولا وان مصر تلملم أوراقها من قضايا الإقليم وأولهم القضية الفلسطينية.
سابعاً .. هل تعرف رغم كل هذه المديثة القطرية الإسرائيلية المشتركة فإن المفاوض المصري ـ المخابرات العامة المصرية ـ عرف يتوصل لهدنة مرة واتنين وتلاتة رغم أنك حرفياً قاعد مع 3 أطراف صهاينة ، صهاينة قطر وصهاينة حماس وصهاينة إسرائيل؟
ثامناً .. هل تعرف ان القاهرة أرسلت إشارات منذ اللحظة الأولي لعمل تلك الشبكة أنها مرصودة وتركت كافة عناصر الشبكة يلفون الحبال حول اعناقهم؟
تاسعاً .. نحن نمارس السياسة بشرف في زمن عز فيه الشرف ، كلمة رئيسك المشير عبد الفتاح السيسي .. فهمت كان يقصد ايه ؟
كام مرة غلطوا في بلدك ورئيسك ومخابرات بلدك ورجالة مخابرات بلدك ؟
هل حان الوقت للى مش مصدق أنه يصدق ان مصر هي الطرف الوحيد الحق النضيف في الصراع دا ؟ وأنه إحنا مش قدام صراع سياسي او منافسة بين مصر وقطر مثلاً .. إحنا قدام خيانة مكتملة الأركان .. قدام عمالة .. قدام دول وظيفية شغالة للغرب ودورها أنه فلوس النفط اللى في ايديها تتصرف على مشاريع الغرب وبس .. دولة وظيفية يعني وكلاء للمؤامرة .. الفلوس والتنظيمات اللى معاه عهدة .. وللأسف .. عبر سنين وسنين .. كان ما يسمى بالمعارضة المصرية مجرد كارت قطري .. جزء من العهدة .. كام مرة ما يسمى بالمعارضة المصرية كانت بتتحرك على شاشات قطرية وصحف قطرية وبسكربتات وديباجات قطرية ؟. كام مرة تحركات العناصر دي بأموال وتمويل قطري؟
طيب اللى شغال في العربي الجديد والموقف المصري والجزيرة فهم دلوقتي هو شغال في انهي منظومة ؟ أنه في نفس المنظومة اللى شغال فيها كافة منصات الإعلام والصحافة ولجان إسرائيل؟
إنك بتخدم على سكربت صهيوني وديباجة صنعت في إسرائيل بفلوس قطر بتكليف من الغرب لضرب مصر ؟
هو مش زمان دا كان أسمه خيانة ؟ واللى كان ممشيها دين مش دا خيانة وضرب لدولة مسلمة بحسب مسمياتكم ؟ واللى ممشيها عروبة هو دا مش خيانة وضرب لدولة عربية بحسب مسمياتكم ؟ واللى لسا فاكر أنه مصري هو دا مش ضرب وخيانة للوطن للبلد اللى بتنتمي إليها ؟
عاشراً .. أيوا لسه فيه بس اخر بند .. إلا صحيح فين الرأى والرأي لا مؤخذة الآخر .. ليه مفيش تغطية مفتوحة وتوحيد شاشات منصات تنظيم الجزيرة القطرية والعربي الجديد ومكملين؟ ولا الرأى والرأي الآخر تجيب لي المتحدث بإسم جيش الإحتلال ومثقفين صهاينة وتمارس تطبيع إعلامي وثقافي وتدخل متحدث جيش إسرائيل ومفكرين صهاينة لكل بيت عربي عبر شاشتك وتقولي أصله رأى آخر ؟
لما كنا بنقول صحف العدو مش مصدر في المطلق ولازم ندقق ونراجع وأنه إعلام قطر سواء الصادر من الدوحة او لندن او عبر وسائل الهراء الإجتماعي ليس إعلام مهني او ذو مصداقية .. ازاى الحال ؟ اتهامات التطبيل والامنجة والموالسة اخبارها ايه ؟
مين اللى طلع عنده مصداقية وبيحاول يوصل لك الحقيقة ومين اللى طلع شغال في شبكة تجسس وعمالة بتلعب لعبة تقاسم أدوار بين إعلام قطر وإعلام إسرائيل ؟
