حوارات

رانيا بنات في حوار خاص لـ مجلة هافن تكشف عن دورها في مسلسل أجازة مفتوحة وعن كواليس العمل

هي فنانة شابة مصرية، كانت بدايتها في مسلسل “بالشمع الأحمر”، وشاركت في العديد من الأعمال، منهم مسلسل الخروج، ظل الرئيس، وشاركت في مسلسل “أجازة مفتوحة”، الذي تم عرضه على قنوات ON، وحقق المسلسل نجاحًا كبيرًا، وكان يوجد تفاعل عليه من الجمهور وردود إيجابية كثيرة.

وكشفت لمجلة هافن عن دورها في المسلسل وعن كواليس العمل وإلى نص الحوار.

تم ترشيحي عن طريق ياسمين عادل كاستينج دايريكتور وأحمد عرفان مساعد مخرج هما الاثنين ليهم الفضل بعد ربنا في الفرصة دي.

  • كيف كانت استعدادك للشخصية؟

استعداداتي للشخصية كانت سريعة جدًا لأنهم كلموني يوم الخميس بليل وقالولي عن الأوديشن عن طريق الواتساب، قولتلهم تمام كلموني قالولي انتي معانا في مسلسل أجازة مفتوحة وأحنا أسفين أن هيكون عليكي ضغط عشان التصوير أول يوم بعد بكرة و٤٠ حلقة، ودور بطولة جنب أستاذ شريف منير وأستاذة لقاء الخميسي، أنا خدت الصدمة وسكت قولتلهم تمام ومن ساعتها مكنتش بنام غير لما خلصت المسلسل أنا كنت بذاكر في العربية وأنا رايحة التصوير.

  • كيف كانت كواليس العمل؟

حقيقي من أحسن الحاجات اللي اشتغلتها وكُنا عيلة سواء الممثلين أو الناس اللي ورا الكاميرا كل واحد فيهم، شكرًا حقيقي وتعبنا أوي واتبسطنا أوي.

  • حدثينا عن تجربتك مع الفنان شريف منير والفنانة لقاء الخميسي؟

من أحسن الناس اللي اتعاملت معاها أستاذ شريف منير زي بابايا حقيقي، هو بيتعامل معايا على الأساس ده عشان كل الناس كانت فكراني بنته من كتر ما أنا شبهه، وأستاذة لقاء الخميسي من أكتر الناس الطيبة والحقيقية وعفوية وطفلة أوي وكنا صحاب جدًا في اللوكيشن.

  • هل تابعتِ ردود أفعال الجمهور على شخصيتك والمسلسل بشكل عام؟

جدًا أنا متابعة كويس للكومنتس عشان أنا عمري ما اقتنعت إني كويسة، إلا برأي الناس دايمًا بحس إن ادائي ناقص أو كان ممكن أعمل أحسن من كده الحمد لله حقيقي نجاح مكنتش متوقعاه.

  • ما الشخصية التي ترغبي في تقديمها قريبًا؟

نفسي العب حاجات كتير برا عن رانيا ونفسي العب دور الشر وحبيت الكوميدي مع أني عمري ماشوفت نفسي فيه، بس الناس كانت بتقول كلام كويس على الحاجات الخفيفة اللي كنت بعملها نفسي أجربه وتكون مسحته أكبر في الدور.

اترك تعليقاً

لن يتم نشر عنوان بريدك الإلكتروني.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!