لاعب الكورة السابق والإعلامي “أحمد حسام ميدو” في مواجهه شديدة اللهجة ورسالة معلومة لصاحبها بالاسم “المستشار مرتضى منصور” وأبناءه.
شارك أحمد حسام ميدو عبر حسابه الشخصي على موقع التواصل الإجتماعي وتبادل الصور “إنستجرام” بث مباشر مدته ما يقرب من الست دقائق.
اختار ميدو عنوان هذا البث بشكل مباشر وهو “مرتضى وعياله بيقولوا اي كلام الزمالك أكبر منكم” ولغى ميدو خاصية التعليقات على هذا البث منعًا للنقاش من المتابعين.
بدء ميدو حديثه في هذا البث عن أحداث مباراة أمس التي كانت بين نادي الزمالك ونادي الطلائع التي انتهت بفوز الطلائع ١/٠ قائلًا “الزمالك خسر امبارح ولعب ماتش سيئ وأنا كنت متوقعه، مدرب بيعتمد على لاعيبه تعبانه.. ومش قادرة.. ومش حابه تقدم لنادي الزمالك ورغم كده يعتمد عليهم وليس لدي اعتراض على كل هذا”.
ليستكمل حديثه بخصوص تصريحات ما بعد الماتش وخص بها تصريحات مرتضى منصور وأمير مرتضى منصور قائلًا “بيقولك إحنا مش عايزين نلعب على ملعب استاد القاهرة.. إزاي ده الملعب اللي الزمالك فاز بيه بكل بطولاته التاريخية أنت على آخر الزمن هتطلعه نحس.. ايه الهبل ده .. ايه العبط ده”.
أما عن حديث مرتضى فيما يخص سحب اللاعيبه عقودها ورفض التجديد بعد الحكم عليه قائلًا “عيب اللي انت بتقوله ده عيب ده حكم محكمه وقضاء ومينفعش تستغل الزمالك وجمهور الزمالك في مشاكلك.. انت عندك مشاكل حلها واحنا في ضهرك انما بصراحه دي قلة أدب”.
https://www.instagram.com/tv/CdsuXEHow7h/?igshid=YmMyMTA2M2Y=
واضاف ميدو إلى حديثه فيما يخص تصريحات أمير مرتضى قائلًا “بتقول طلبنا نلعب في ملعب تاني ايه يا جدع أنت انا روحت الملعب في كل بطولات الزمالك التاريخية أنا وابويا الله يرحمه..جاي دلوقتي تقول إن الملعب نحس! مين بيقنعكم بالكلام ده”.
وينهي حديثه عن أمير مرتضى منصور قائلًا “كنت متوقع أن أمير يوقف الكلام الغلط ده ولكنه تمادى واتكلم نفس الكلام… إدارة بتقول اي كلام”.
