كتبت: نور سيد
طرح المطرب عمرو دياب بالأمس أغنية جديده تحمل عنوان “اللي يمشي يمشي” والتي نالت اعجاب جمهورة.
وعبر المؤلف تامر حسين عن سعادته البالغه بردود أفعال الجمهور بعد طرح أغنية “اللي يمشي يمشي” التي قام بتأليفها حيث أنه قد نشر مجموعه من الصور برفقه المطرب عمرو دياب عبر حسابة الرسمي على موقع “فيس بوك”.
معلقًا: “أولاً الحمد لله على رد الفعل المُبهر والسريع
ثانياً الراجل ده عمرو دياب كل أغنية بتنزل معاه ليا ف أول السيزون ب أحس كأنها أول أغنية بينا ونفسياً ببقى زى الطالب اللى في ثانوية عامة عندى ضغط وستريس إني أبقى متغير عن السنه اللى قبلها وأعمل أحسن ماعندي وأتفوق على نفسى
وتابع: وأضيف له حاجه فى تاريخه الكبير اللى بعتز بيه وكُنا موفقين الحمد لله ف الإختيار ان الأغنية تشبه مشاعر وتجارب كُل البنى أدمين ومست قلوب الجميع عملنا سرد لمجموعة من الناس ونماذج فى حياتنا جميعاً.
وأضاف : ودى يمكن أول مرة نعمل zoom على التفاصيل دى وربنا وفقنا أنا ومدين وتوما ومهندس الصوت المُخلص أمير محروس وصديقنا اندرو داود اللى سجل الغُنا هو وشيرى شُكرى الناس كُلها إشتغلت بـ حُب
وإخلاص لنجم كبير كُلنا عارفين ومقدرين قيمته والمسؤلية اللى عليه أمام جمهور كبير وعظيم يستحق كُل التقدير والإحترام.
ووجه تامر حسين رسالة شكر للمطرب عمرو دياب قائلًا: شكراً عمرو دياب اللى حقيقى بنزوله بيفتح السوق للكُل وبيعمل روح ومُنافسه شريفة تفيد المُستمع وشكراً للجمهور المحترم اللى بيفهم ويحس ب الأغنية الحلوة وبيقدر صُناعها وحقيقة انا بعتبرها من أهم اغانيا مع الفنان عمرو دياب وأنضجهم.
والجدير بالذكر أن اغنية “اللي يمشي يمشي” من كلمات تامر حسين والحان مدين وتوزيع توما وميكساج وديجيتال ماستر أمير محروس.
