علق الفنان محمد نجاتي على ما نشره أحد الصحفيين، عبر حسابه الشخصي على “الفيسبوك”.
وذلك بخصوص ترشيحه بدلًا من أمير كرارة بمسلسل “محمود المصري”، للفنان الراحل محمود عبدالعزيز، على حساب الفنان أمير كرارة.
ونشر “نجاتي” فيديو، عبر حسابه الشخصي على “إنستجرام”، رد فيه على ما نشر، وعمّا نشر حول المقارنة بينه وبين “كرارة”.
وقال: “طبعًا أمير كرارة نجم كبير، وماوصلش للي هو فيه دوت، غير نتيجة تعب وجهد وعرق”.
وأضاف: “قدريوصل لحب الناس ولقاعدة كبيرة جدًا من الجمهور”.
وأردف: “أنا كل اللي عاوز أقوله، إن ماكنش ليا دخل أبدًا بترشيحي لمسلسل محمود المصري، مع الأستاذ محمود عبدالعزيز”.
وتابع: “الترشيح ده جه من خلال الدكتور مدحت العدل، وهو حي يُرزق يُسأل في ده”.
وواصل “نجاتي”: “أما بخصوص بوست شوف دلوقتي أمير كرارة فين، وشوف دلوقتي محمد نجاتي فين؟، أنا عاوز أقول إن دي حاجة مش بإيديا”.
واستكمل: “وإن دي حاجة خارجة عن إرادتي، أنا راجل ممثل بشتغل الحاجات اللي بتلاقيها كويسة ومناسبة”.
مضيفًا: “ممكن تكون أعمال بتاخد البروباجندا الكبيرة، زي مافي فنانين تانيين بيشاركوا فيها”.
متابعًا: “أنا أتمنى إن أنا أكون موجود في الأعمال المهمة دي، لكن غصب عني أنا مضطر أشتغل حاجات، عشان أقدر أكمل بقيت حياتي”.
مردفًا: “عندي التزامات، وعندي حاجات ممكن تخليني مش مبسوط أوي، من الحاجات اللي أنا ممكن أكون بقدمها”.
واستدرك: “لكن ممكن الواحد يكون بيقدم حاجات، مايبقاش راضي عنها أوي، عشان يكمل يقدر يكمل حياته”.
وأتم: “وإذا كانت الوضعية اللي أنا فيها دلوقتي دي، مضايقة ناس أو مضايقة بعض الصحفيين، على فكرة أنا ممكن أعتزل وأريحكم كلكم مني، وأبقى خلاص نهاية الحكاية”.
https://www.instagram.com/reel/CfhUSLIJDPx/?igshid=YmMyMTA2M2Y=
يشار إلى أن “محمود المصري” تم إنتاجه عام 2004، وحقق العمل نجاحًا كبيرًا.
وهو من بطولة محمود عبدالعزيز، هشام سليم، سمية الخشاب، غادة عبدالرازق، محمد نجاتي، سامي العدل، صفاء الطوخي، نشوى مصطفى، محمد الشقتقيري، عمرو عبدالجليل، الراحلة ميرنا المهندس وغيرهم.
والعمل من تأليف د.مدحت العدل، إخراج مجدي أبو عميرة وإنتاج “العدل جروب”.
يذكر أن آخر أعمال الفنان محمد نجاتي مسلسل “مزاد الشر”، الذي عُرض في الماراثون الرمضاني الماضي، عبر إحدى قنوات الدراما المشفرة.
والمسلسل من بطولة محمد نجاتي، هالة فاخر، كمال أبو رية، هاجر الشرنوبي، عفاف مصطفى، إنجي خطاب، ياسمين رحمي، رضوى الشريف، فهد شلبي وغيرهم.
والجدير بالذكر أن العمل من تأليف أحمد الأباصيري ومحمد الهادي، إخراج ممدوح زكي وإنتاج محمد الشوبري.
