واحدة من كوارث المذابح الإخوانية بحق أهل الساحل السوري هو الشحن الطائفي العابر للإقليم.
مكونات المجتمع ـ الفسيفساء السوري ليست حصرياً على سوريا ولكن تنسحب على مجمل الشرق الأوسط.
دلوقتي حصل مذابح وقتل وتنكيل وإهانة دينية وعرقية وطائفية ومذهبية للمسيحيين خصوصاً في حمص والساحل.
الميديا المسيحية ـ كما تطلق على نفسها ـ في مصر والعراق وسوريا ولبنان كان طبيعي نتنتفض حزناً ووجعاً والماً على ما جري.
فاللى حصل في سوريا عمل جرح لمسيحيين الشرق عموماً دا اولاً
ثانيا : تفاجئ البعض او ربما تفاجئنا جميعاً ان نسبة لا يستهان بها من “المسلمين السنة في سوريا عندهم مباركة للمذابح ضد الآخرين ، ثأر وغل وتشفي ، ومظلومية الإخوان والاسلامجية وبعض المناطق اللى اتضربت لأسباب سياسية مش طائفية زي حماه لانها كانت معقل الإخوان ، كل دا تم تحميله للوعي الجمعي للمسلمين السنة في سوريا وبقت الحجة الصبيانية في اى مناقشة طاه ما العلويين عملوا في السنة كدا .
فانت شايف مسلمين سُنة بيقتلوا في الكل بمنتهي الاستباحة ، دا مدمر لعلاقة البعض بدينه قبل دين الآخرين.
والمسيحيين شايفين قتل لناس زيهم على نفس الدين بمنتهي الاستباحة وشايفين مباركة “شركائهم في الوطن السوري”.. ودا شيء مش اول مرة يحصل في الشرق ويوقظ ما يحاول العقلاء اخماده في عقول وقلوب مسيحيين الشرق من ذكريات الظلم والغبن والتعدي منذ ان أصبحت الغلبة لغير المسيحيين في بلاد المشرق.
وشايف طائفة اسمهم العلويين بيتعمل فيهم مذابح رهيبة ، وشايف ناس وسط في الكومنتات عندك بتكفر العلويين واللى يقولك دول العن من الكفار ، كل دا كارثة .. كل دا فتنة بجد هي دي الفتنة الكبرى في العصر الحديث ..
دا غرض من أغراض صناعة العدو لـ الاسلامجية ـ الإسلاميين ـ الاسلامويين الجماعات الإسلامية .. صناعة وتصدير الشحن الطائفي .. نظرا لاشتراك سوريا مع كافة دول المنطقة في الإمتداد الديني والعرقي وحتى العشائري .. فما يخص سُنة سوريا يخص السنة في المنطقة كلها وما يحدث في مسيحين سوريا يؤثر في مسيحيين المنطقة كلها وما يحدث للعلويين في سوريا يؤثر في العلويين في لبنان وتركيا ويؤثر على كل الأقليات في المنطقة باسرها.
استدعاء التوحش في نفس كل الأطراف .. صناعة الغليان!!
في النهاية كل واحد جواه حاجة اتكسرت وجواه شحنة غضب ممكن تبقا شحنة عنف حصلت وبقت في مخزونه النفسي وممكن يتلعب عليها وتتوظف لاحقاً في مواقف تانية او يتم اللعب على فكرة التخزين الانفعالي والغليان على الهاديء لحد ما يفيض الكوب والافاضة دي بقا تبقا عنف متبادل او إرهاب او حتى مظاهرات محدش من اللى ماشي فيها نفسه فاهم هو الحل ايه لاى حاجة في حياته الشخصية قبل الحل ايه في القضايا اللى بيعوي فيها.
لازم يبقا فيه جهود لفض اى احتقان او شحن طائفي قامت دول الجوار وأحداث الجوار بتصديره إلينا.
