دشنت مواقع التواصل الاجتماعي منذ ليلة الأمس، حملات دعم موجهة لصالح الإعلامي إبراهيم فايق مقدم برنامج “جمهور التالتة”، وذلك بعد أن قام المستشار مرتضى منصور بسبه وسب والدته عبر قناة الزمالك في برنامج “زملكاوي”.
ففي مداخلة هاتفية للمستشار مرتضي منصور، قام بشن هجومًا حادًا على إبراهيم فايق، ليقوم بتوجيه السباب له ووالدته.
مما جعل الجميع يغضب من السب الموجهة إلى الراحلة والدة إبراهيم فايق، ليتصدر الأمر تريند البحث، ويوجه الجمهور رسائل الاعتذار إلى إبراهيم فايق، كما قاموا بالدعاء لوالدتها بالرحمة والمغفرة.
وقال أحد المتابعين : “حسبي الله ونعم الوكيل في أي حد في إيده يسجن مرتضى منصور ويبعده نهائيًا ولسه سايبه لحد دلوقتي يسب في أمهات الناس المحترمة وآخرهم إبراهيم فايق الإعلامي المحترم… إحنا آسفين ليك يا إبراهيم وآسفين لكل واحد اتسب من الراجل ده”.
وقال آخر : “المحترم والخلوق والأدب ياريت الإعلاميين يتعلموا الحيادية والأخلاق الحميدة من هذا الرجل المحترم ابن الأصول المتربي”.
فيما كتب أحد المتابعين: “لازم نعزي أشباه الرجال في رجولتهم، حقيقي الاعتذار مش لوالدة ابراهيم فايق بس (رحمها الله) الاعتذار، والله لكل ام اتسبت من واحد عامل قناة كاملة يسب ويشتم في الدنيا كلها”.
وأردف: “وبصراحة زي ما اعتذرنا للأمهات، لازم نعزي أشباه الرجال اللي قاعدين في الأستديو يصدقوا على كل كلمة نعزيهم في رجولتهم وكرامتهم بترفعوا عينيكم في وش عيالكم إزاي وأهلكم يا جدعان، أقسم بالله أكتر سؤال محيرني بعيدًا عن كل العبث ده”.
وأكمل: “الكورة في مصر اتخربت خلاص وحتى مرحلة الإصلاح، اللي كنا واقفين عندها عديناها.. بقينا في محاولة إنقاذ ما يمكن إنقاذه، ده لو عرفنا أصلًا لنا الله”.
فيما قال أحد المتابعين: “مرتضى منصور لازم يكون عبرة لكل قليل الأدب”.
واشار: “مرتضي منصور يقرأ رسايل الواتس اللي بتجيله على الهواء، من ضمنها رسالة لواحد بعته لمرتضي بيقولو فيها إبراهيم فايق واخدك غسيل ومكوى… رسالة عادية المفروض اي عاقل يتجاهلها …لا مرتضى طبعا رد علي الهواء”.
وتساءل: “إحنا وصلنا لمستوى قلة أدب وانحطاط وإجرام وإهانة لكل بيت مصري خارج مصر كمان…مستحيل يكون فيه حد عاقل في البلد دى يسكت لمرتضى على القرف ده، والمفروض يتحاسب ويتحبس كمان، ولازم يكون عبرة لكل قليل الأدب وسليط اللسان ومنحط زيه”.
ليقول آخر : “كامل الاعتذار للإعلامي إبراهيم فايق ووالدته رحمة الله عليها، عن ما بدر من شخص غير مسؤول لا يمثلنا، ولا يعبر عن جماهير الزمالك المحترمة”.
ليضيف أحد المتابعين: “إبراهيم فايق لازم يرد كرامته، حتى لو هيمشي من القناة:
وأوضح: “موقف صعب لإبراهيم فايق، بسبب شتيمة مرتضى منصور لوالدته، لكن خليك فاكر إن إبراهيم كان ينتقد سيد عبد الحفيظ، عشان مسلمش على مرتضى، خليك فاكر إن إبراهيم كان بيعمل نفسه عبيط فى تجاوزات شيكابالا أمام جمهور الأهلي، خليك فاكر إن إبراهيم فايق جاب لقطة احتفال أحمد عبد القادر، وقال أنها حركة ليها علاقة بالإدمان، ومجبش سيرة عبد الله جمعة ولا فتوح، رغم اعتراف مرتضى منصور بنفسه أنهم بيتعاطوا”.
واسترسل: “إبراهيم فايق كان فاكر إنه لما يبعد عن مرتضى وعن مشاكل الزمالك، ويحاول يعرض في بعض الأوقات، إنه هينول رضا مرتضى ومش هيشتمه بس للأسف مرتضى لسانه مبيسيبش حد إذا كان بيهاجمه أو بيشكر فيه”.
وأتم: “موقف زي اللى حصل ده يخلى إبراهيم فايق، حتى لو فيها إنه هيمشى من القناة، بس يكسب كرامته ويرد حق والدته المتوفيه”.
