حوار : ولاء حسن ابو زيد
يعيش الفنان ” كريم محجوب” حالة من النجاح المستمر ؛ حيث ظهر في الكثير من الاعمال الدرامية واستطاع من خلالها أن يبهر الجمهور ويقنعهم بأداه الرائع ، وكشف في حواره لـ «هافن» انه يختار الشخصية الذي يقدمه علي حسب الدراما الموجوده في الموضوع ، وإليكم أبرز التصريحات:
كيف جاء ترشيحك لمسلسل رقم سري ؟
أوضح كريم قائلا ” الاختيار اختراني استاذ محمود عبد التواب مخرج المسلسل ، وده كان ترشيح من استاذ ضياء حبيب مساعد أول مخرج ، لانه قد كان اخرج لي من قبل مسلسل “مليونير في غمضة” والحمدلله نجاح نجاح كبير، فبعدها استاذ ضياء رشحني لاستاذ محمود عبد التواب المخرج
ماهو أكثر شئ جذبك في شخصية رياض ؟
والله انا من أول ما قريت المسلسل عجبني شخصية رياض جدا ، اولا ان هو مختلف عن بقيه الشخصيات شويه الموجوده في المسلسل ، ان هو كده في حته لوحده، ان هو بره الصراع وفي نفس الوقت جوه الصراع جدا ، يعني الصراع الرئيسي في المسلسل قائم على البنك والزملاء في البنك ما بينهم مشاكل، فا شخصية رياض شخصية بعيده عن البنك بس في نفس الوقت هو اخو الضحيه اللي هي ندى “الفنانة نادين فرج”
ماهو أكثر مشهد مضل لك في العمل ؟
والله كان في مشهد مع استاذه “ياسمين” المشهد اللي هو بعد ما اختي اتوفت على طول رحت هربت ورحت عندها البيت، المشهد ده اكتر مشهد بحبه، لانه خد مني وقت في التفكير لان انا بنيت عليه الشخصية لان طبيعي اي حد في الدنيا اخته بتتوفى مش هيسيبها ويهرب حتى لو في مشكله يعني هيروح ياخد عزائها حتي ، لانه صعبه جدا التخلي ده، فانا وقفت عند المشهد ده كتير قوي ،وانا بذاكر الشخصية ، ان انا ابرر لما تيجي اللحظه دي يبقى تصرفاته منطقية ، فانا فعلا بنيت علي المشهد ده الشخصية
كيف كانت علاقتك بالفنانة ياسمين رئيس اثناء التصوير؟
والله انا اكتشفتها في المسلسل هي بريئه جدا وكيوت جدا جدا، وانسانه لطيفه جدا وسلسه في التعامل، تحس ان هي فعلا بريئه ، وان هي روحها طفوليه شويه ، حتى في المشاهد احنا وبنتبادل الاتهامات ، تحس كده ان هي قلبت خناقه اطفال هي تقول لي انا بريئه وانا اقول لها انا بريء، فحتى هي استفزها المشهد بعد ما عملناه، قالت لي انت ايه الطفوله اللي بترد بيها دي، قلت لها اه هو جبان بيخاف على نفسه
هل أردت إثبات شئ لنفسك من خلال هذه التجربة ؟
انا اي تجربة بدخلها ببقى عاوز اثبت لنفسي انه انا اقدر العب اي شخصية ، واقدر اخدها من ناحيه ان انا اقدر احط فيها من روحي وفي نفس الوقت تحس ان هي مختلفة عن الشخصيات اللي عملتها قبل كده.
شخصية رياض دي كانت تحدي بالنسبة لي ،لانه انا كنت عامل في مسلسل “مليونير” اللي قبله على طول شخصية شهم وجدع وشجاع ،وبيواجه وبيقف جنب الضعيف وبنتقم من اللي ظلمه وما بيخافش من حد، فاننا اقوم جاي عامل شخصية عكسها على طول بعدها فتره، فكان تحدي بالنسبه لي انه عايز اثبت لنفسي ان انا اقدر اعمل الشخصيه دي كويس وان انا اقدر العب اي شخصية
في العادي ماهي ألاسس التي تختار بها أدوارك ؟
انا دارس دراما فانا بفهم كويس قوي في الدراما، فانا بختار اي شخصية على حسب الدراما الموجوده في الموضوع، الشخصية مكتوبه كويس فيها حاجه تتقدم فيها دراما ملعوبه، انا كممثل استمتع بها انا بمثلها بلعبها، اما لو شخصية سطحية وما فيهاش حاجه تتقدم ما فيهاش حاجه تتقال حتى لو حاجه كبيرة برفضها، فاضل مقياس اللي انا بقيس بيه اي شخصية ، شخصية يكون فيها دراما يكون فيها حته انسانية ان الواحد يستمتع وهو بيقدمها وهو بيتفرج عليها ده مقياسي الوحيد للشخصيات
هل هناك شخصية معينه تحب أن تقدمها في الاعمال القادمة ؟
والله انا في شخصية انا مستغرب انه انا ما قدمتهاش، ان هي نمط من الدراما اللي انا ما قدمتهاش لغايه دلوقتي انه انا لحد دلوقتي ما قدمتش شخصية صعيدي، طبعا السيد ده ممكن يكون اي شخصية جدع ،شهم ،جبان ،شرير، ظلم ، فانا عندي فضول ان انا اقدم التجربه دي وان انا العب على اللهجه او اذاكرها حيه من الناس في الشارع وقدمها،وعندي فضول جدا ان انا اقدم شخصيه تاريخيه بالذات لو تاريخ عربي او مصري هبقى مبسوط جدا انا وبقدمها
في نهاية الحوار هل ستشارك في موسم رمضان القادم؟
والله لسه لحد دلوقتي ما فيش حاجه مؤكده
