✍️ يوحنا عزمي
الولايات المتأرجحة : يعني ولايات لسه أصواتهم مش محسومة في الاقتراع واستطلاعات الرأى عدد 7 ولايات .. هي ميشيجان وأريزونا ونيفادا وويسكونسن وبنسلفانيا وجورجيا ونورث كارولينا.
ثلاثه منهم ذات هوي ديموقراطي ميشيجان وويسكونسن وبنسلفانيا ، ولكن انتخابهم لـ دونالد ترامب عام 2016 بشكل مفاجئ قبل ان ينتخبوا جو بايدن عام 2020 جعلهم في قائمة الولايات المتأرجحة.
2- الجدار الأزرق : 18 ولاية مع مقاطعة كولومبيا .. على مدار 20 سنة من 1992 لـ 2012 الولايات دي صوتت للديموقراطية عبر ست إنتخابات رئاسية ، كلنتون 92 و96 .. الـ جور سنة 2000 . جون كيري سنة 2004 .. أوباما سنة 2008 و2012 .. جه ترامب سحب منهم بنسلفانيا وميشيغان وويسكونسن سنة 2016 وسط ذهول الجميع .. ولكن بايدن بالتزوير رجعهم للديموقراطية تاني 2020 .. عشان كدا تبقا الولايات التلاتة من اهم الولايات المتأرجحة في إنتخابات 2024.
الولايات الـ 18 هي : كاليفورنيا ، وكونيتيكت ، وديلاوير ، وهاواي وإلينوي ، وماين ، وميريلاند، وميشيغان، ومينيسوتا ، ونيو جيرسي ونيويورك ، وأوريغون ، وبنسلفانيا ، ورود آيلاند ، وفيرمونت وواشنطن ، وويسكونسن.
3 – رهان كامالا هاريس : إذا فازت هاريس في ميشيغان وويسكونسن وبنسلفانيا ، بالإضافة إلى الصوت الإنتخابي الوحيد في الدائرة الثانية في ولاية نبراسكا ، فستصل إلى عتبة 270 صوتا انتخابيا في المجمع الإنتخابي اللازمة للفوز بالبيت الأبيض حتى لو خسرت الولايات الأربع الأخرى المتأرجحة ، نورث كارولينا وجورجيا ، ونيفادا ، وأريزونا.
4 – النتيجة مش هتعلن بعد 24 ساعة زي أوباما 2008 وترامب 2016 .. مناوشات قانونية تستمر لاسابيع ومحاكم وقضايا عشان النتائج المتقاربة بين الاتنين زى ما حصل في 2020 بين ترامب وبايدن و 2000 بين جورج بوش الإبن وال جور.
5- حملة هاريس جمعت 997 مليون دولار وحملة ترامب 378 مليون بس .. المضحك ان حملة هاريس بتقول ان ترامب غني يمثل الأغنياء والأثرياء وشغالين خطاب اشتراكي رخيص عمرك ما تصدق أنه ممكن يطلع من سياسي في دولة رأسمالية زي أمريكا .. هاريس جمعت وصرفت مليار دولار عكس ترامب اللى مش عارف يتخطي ال 400 مليار دولار.
6 – هاريس لو فازت تبقا اول نائب رئيس ديموقراطي في المنصب يفوز بالرئاسة من انتخابات 1836 لما مارتن فان بيورين نائب الرئيس اندرو جاكسون فاز بالرئاسة ودا سياسي عجيب اول وآخر رئيس أمريكي الإنجليزية ليست لغته الأولي بل الهولندية.
ومتستغريش نيويورك كانت مستعمرة هولندية بإسم نيو أمستردام قبل ما بريطانيا تحتلها من هولندا ومارتن فان بيورين من أبناء الاستيطان الهولندي ل نيويورك وكان حاكم الولاية في عشرينات القرن ال19 اما الجمهوريين فـ جورج بوش الإبن كان نائب ريجان لما فاز بالرئاسة في إنتخابات 1988.
7 – الحزام او حزام الشمس : مجموعة ولايات في الجنوب تصوت بشكل دائم للجمهوريين.
خد بالك فيه صراع تاريخي بين الشمال الصناعي والجنوب الزراعي دا السبب الحقيقي لاندلاع الحرب الأهلية الأمريكية في القرن الـ 19 .. عامة أهل الريف والفلاحين في أمريكا مع الجمهوريين واهل الحضر والعواصم مع الديموقراطيين .
الوجه الآخر للإنتخابات الأمريكية هو تحدي بين الريف الجمهوري والحضر الديموقراطي.
